By પીએમ મોદીએ 2026 ના T20 વર્લ્ડ કપમાં ભારતીય ટીમની જીત બદલ ખુબ ખુબ અભિનંદન આપ્યા. તેમણે કહ્યું કે ભારતનો વિજય દૃઢ નિશ્ચય અને ટીમવર્કને પ્રતિબિંબિત કરે છે. સમગ્ર ટીમની પ્રશંસા કરતા તેમણે લખ્યું કે આ જીતે દરેક ભારતીયનું હૃદય ખુશીથી ભરી દીધું છે. ગૃહમંત્રી અમિત શાહે પણ ખેલાડીઓની ખૂબ પ્રશંસા કરી. તેમણે લખ્યું કે દરેક ભારતીયને ગર્વ અપાવવા બદલ તેઓ સમગ્ર ટીમને અભિનંદન આપે છે.
ભારતે 2026 ના T20 વર્લ્ડ કપની ફાઇનલમાં ન્યુઝીલેન્ડને 96 રનથી હરાવીને ત્રીજી વખત ટુર્નામેન્ટ જીતી હતી. આ પહેલા ટીમ ઇન્ડિયાએ 2007 માં મહેન્દ્ર સિંહ ધોનીની કેપ્ટનશીપમાં અને 2024 માં રોહિત શર્માની કેપ્ટનશીપમાં T20 વર્લ્ડ કપ જીત્યો હતો. હવે, સૂર્યકુમાર યાદવની કેપ્ટનશીપમાં, ભારત ત્રીજી વખત T20 ચેમ્પિયન બન્યું છે.
પ્રધાનમંત્રી નરેન્દ્ર મોદીએ ટ્વિટર પર લખ્યું, “ચેમ્પિયન્સ! ICC મેન્સ T20 વર્લ્ડ કપ જીતવા બદલ ટીમ ઈન્ડિયાને અભિનંદન! આ નોંધપાત્ર જીત જબરદસ્ત કૌશલ્ય, દૃઢ નિશ્ચય અને ટીમવર્ક દર્શાવે છે. તેમણે સમગ્ર ટુર્નામેન્ટ દરમિયાન જબરદસ્ત હિંમત બતાવી છે. આ જીતે દરેક ભારતીયના હૃદયને ગર્વ અને આનંદથી ભરી દીધું છે. શાબાશ, ટીમ ઈન્ડિયા! ભારતે ન્યૂઝીલેન્ડને હરાવીને જીત મેળવી છે.”
