મીરાબાઈ ચાનુએ વર્લ્ડ ચેમ્પિયનશિપમાં કુલ ૧૯૯ કિલો વજન ઉપાડીને સિલ્વર મેડલ જીત્યો

ભારતની સ્ટાર મહિલા વેઇટલિફ્ટર મીરાબાઈ ચાનુએ 2025 વર્લ્ડ ચેમ્પિયનશિપમાં સિલ્વર મેડલ જીત્યો છે. તેણીએ વર્લ્ડ વેઇટલિફ્ટિંગ ચેમ્પિયનશિપમાં 48 કિગ્રા વજન વર્ગમાં ભાગ લીધો હતો અને ત્રણ વર્ષ પછી આ મોટી ટુર્નામેન્ટમાં મેડલ જીત્યો હતો. આ સાથે તેણીના કુલ ત્રણ વર્લ્ડ ચેમ્પિયનશિપ મેડલ થયા છે.

મીરાબાઈ ચાનુ 2024 પેરિસ ઓલિમ્પિકમાં મેડલ જીતી શકી ન હતી અને ચોથા સ્થાને રહી હતી. ત્યારબાદ, તેના પર વર્લ્ડ ચેમ્પિયનશિપમાં સારું પ્રદર્શન કરવાનું દબાણ હતું. ત્યારબાદ તેણે જોરદાર પ્રદર્શન કરીને બીજું સ્થાન મેળવ્યું. મીરાબાઈએ સ્નેચ કેટેગરીમાં કુલ 84 કિલોગ્રામ વજન ઉપાડ્યું. ત્યારબાદ તેણે ક્લીન એન્ડ જર્કમાં 115 કિલોગ્રામ વજન ઉપાડીને કુલ 199 કિલોગ્રામ વજન ઉપાડીને સિલ્વર મેડલ જીત્યો.

મીરાબાઈ ચાનુએ સ્નેચ કેટેગરીમાં પોતાના પહેલા પ્રયાસમાં ૮૪ કિલો વજન ઉપાડીને વર્લ્ડ ચેમ્પિયનશિપમાં મજબૂત શરૂઆત કરી. કોરિયાની રી સોંગ-ગમને ગોલ્ડ મેડલ મળ્યો, જેમણે કુલ ૨૧૩ કિલો (૯૧ કિલો + ૧૨૨ કિલો) વજન ઉપાડ્યું. તેણીએ ક્લીન એન્ડ જર્કમાં ૧૨૨ કિલોનો નવો વર્લ્ડ રેકોર્ડ પણ બનાવ્યો. થાઈલેન્ડની થાન્યાથોન સુકચારોનએ ૧૯૮ કિલો (૮૮ કિલો + ૧૧૦ કિલો) વજન ઉપાડીને બ્રોન્ઝ મેડલ જીત્યો.

વેઇટલિફ્ટિંગમાં વર્લ્ડ ચેમ્પિયનશિપમાં મીરાબાઈ ચાનુનો આ ત્રીજો મેડલ છે. તેણીએ અગાઉ 2017 વર્લ્ડ ચેમ્પિયનશિપમાં ગોલ્ડ મેડલ અને 2022માં સિલ્વર મેડલ જીત્યો હતો. તેણીએ 2020 ટોક્યો ઓલિમ્પિકમાં પણ ભારત માટે સિલ્વર મેડલ જીત્યો હતો.