By કોલંબિયામાં એક લશ્કરી વિમાન દુર્ઘટનામાં 80 સૈનિકોના મોતની આશંકા છે. આ વિમાનમાં કુલ 100 લોકોને લઈ જવાની ક્ષમતા હતી. સમાચાર એજન્સી એએફપી અનુસાર, વિમાનમાં 80 સૈનિકો સવાર હતા. આ દુર્ઘટનામાં બધાના મોતની આશંકા છે. સૈન્યએ સોમવારે જણાવ્યું હતું કે દેશના દક્ષિણ ભાગમાં એક પરિવહન વિમાન દુર્ઘટનામાં લગભગ 80 સૈનિકોના મોતની આશંકા છે.
એક લશ્કરી સૂત્રએ જણાવ્યું હતું કે ઇક્વાડોરની દક્ષિણ સરહદ નજીક પ્યુઅર્ટો લેગુઇઝામોથી ટેકઓફ કરતી વખતે ક્રેશ થયેલા હર્ક્યુલસ વિમાનમાં બે પ્લાટૂન (80 માણસો) સવાર હોવાનું માનવામાં આવે છે. ઘણા અહેવાલોમાં એવો પણ દાવો કરવામાં આવ્યો છે કે 20 સૈનિકોને બચાવી લેવામાં આવ્યા છે. જોકે, કોઈ સત્તાવાર માહિતી જાહેર કરવામાં આવી નથી.
કોલંબિયાના સંરક્ષણ પ્રધાને જણાવ્યું હતું કે સોમવારે ટેકઓફ કરતી વખતે એક મોટું પરિવહન વિમાન ક્રેશ થયું હતું, જેમાં ઘણા લોકોના મોતની આશંકા છે. પ્રધાન પેડ્રો સાંચેઝે શોક વ્યક્ત કર્યો હતો અને કહ્યું હતું કે ઇક્વાડોરની દક્ષિણ સરહદ નજીક પ્યુર્ટો લેગુઇઝામોથી ઉડાન ભરતી વખતે વાયુસેનાનું હર્ક્યુલસ વિમાન ક્રેશ થયું હતું.
