મહેસાણા; વિસનગર-વડનગર રોડ પર અકસ્માત એક નું મોત બે ઘાયલ

વિસનગર-વડનગર રોડ પર એક ગંભીર અકસ્માત સર્જાયો છે. અંબિકા ફેક્ટરી પાસે એસટી બસ અને રિક્ષા વચ્ચે થયેલા અકસ્માતમાં 16 વર્ષીય કિશોરનું ઘટનાસ્થળે જ મોત નીપજ્યું છે. ઘટના 12 ઓગસ્ટના રોજ બની હતી. અંબિકા ફેક્ટરી પાસે એસટી બસ નંબર GJ.18.Z.7456એ રિક્ષા નંબર GJ.08.A.X.1194ને ટક્કર મારી હતી.સીસીટીવી ફૂટેજમાં દેખાય છે કે એક આઇશર વાહનને બચાવવા માટે એસટી બસે બ્રેક મારી હતી. આ દરમિયાન બસ સામેની સાઈડમાં જતાં રિક્ષાને ટક્કર મારી હતી. અકસ્માતમાં રિક્ષાનો કચ્ચરઘાણ નીકળી ગયો હતો. અકસ્માતમાં બેને ઈજાઓ થઈ છે. બંનેને સારવાર માટે હોસ્પિટલમાં દાખલ કરવામાં આવ્યા છે. ફરિયાદના આધારે પોલીસે એસટી બસ ચાલક વિરુદ્ધ ગુનો નોંધી તપાસ શરૂ કરી છે.