By કડીના થોળ રોડ ઉપર આવેલ રાજા એવન્યુ પાસે ગંભીર અકસ્માત સર્જાયો હતો. સોયાબીન ભરેલી ટ્રક પલટી ખાઈ ગઈ હતી.
ટ્રક નંબર GJ 31 Z 7952 કપડવંજથી કડીના થોળ રોડ પર આવેલ અંબુજા ફેક્ટરીમાં સોયાબીન લઈને જઈ રહી હતી. હાઇવે પરથી થોળ રોડ તરફ વળતી વખતે અચાનક ટ્રક અનિયંત્રિત થઈ ગઈ હતી. ટ્રકે પહેલા દિવાલ અને ઇલેક્ટ્રીક થાંભલાને ટક્કર મારી હતી. આ ટક્કરના કારણે દિવાલ અને ઇલેક્ટ્રીક થાંભલો જમીનદોસ્ત થઈ ગયા. ત્યારબાદ ટ્રકે રસ્તા પર રહેલી પકોડીની લારીને પણ અડફેટે લીધી અને અંતે પલટી ખાઈ ગઈ હતી. અકસ્માતની ઘટના બનતાં જ આસપાસના વિસ્તારમાંથી લોકોના ટોળેટોળા ઘટનાસ્થળે એકત્ર થઈ ગયા હતા. આ ગંભીર અકસ્માત છતાં સદનસીબે કોઈ જાનહાની થઈ નથી. સ્થાનિક લોકોના જણાવ્યા અનુસાર, ટ્રક હાઇવેથી થોળ રોડ પર આવતી વખતે અચાનક અનિયંત્રિત થઈ હતી, જેના કારણે આ અકસ્માત સર્જાયો હતો.
