By પાટણ શહેરમાંથી ચોરી કરેલ બાઈક જીમખાના પાછળ બાવળની ઝાડીમાં સંતાડી રાખનાર બાઈક ચોરને ચોરીના બે બાઈક સાથે પાટણ એ ડિવિઝન પોલીસે ઝડપી કાયદેસરની કાર્યવાહી હાથ ધરી હોવાનું જાણવા મળ્યું છે.
આ બાબતની મળતી હકીકત મુજબ પાટણ શહેરમાં મિલ્કત સબંધી તેમજ ચોરીના બનાવ અટકાવવા તેમજ બનેલ બનાવોના ભેદ ઉકેલવા પાટણ એ ડિવિઝન પી.આઈ કે.જે.ભોયેના સીધા માર્ગદર્શન મુજબ સર્વેલન્સ પોલીસ સ્ટાફના માણસો પાટણ સીટી એ ડીવી પો.સ્ટે. વિસ્તારમાં પેટ્રોલીંગ કરી રહ્યા હતા. તે દરમ્યાન હકીકત મળેલ કે પાટણ નગરપાલિકાની પાછળ જીમખાના નજીક બાવળની ઝાડી નજીક એક શકમંદ ઇસમ બાઈક સાથે ઉભો છે જે હકીકત આધારે ટીમે ધટના સ્થળે પહોંચી ગુજકોપમાં સર્ચ કરતા સદર બાઈક જેનો રજી.ન.GJ.24.AE. 5820 નો પાટણ સીટી એ ડીવી પો.સ્ટે.માં ચોરી થયેલાનો ગુનો નોંધાયો હોવાનું જાણવા મળતા આ કામે પકડાયેલ ઇસમને પુછતા તેણે અન્ય એક બજાજ કંપનીનુ પલ્સર મો.સા ચોરેલ હોવાનું અને જીમખાના પાછળ બાવળની ઝાડીમાં રાખેલ હોવાનું જણાવતાં પોલીસે ચોરીના બંન્ને બાઈક સાથે દશરથજી અનારજી ઠાકોર રહે.ધનાવાડા ઠાકોરવાસ તા.સિધ્ધપુર જી.પાટણ વાળાની અટકાયત કરી કાયદેસરની કાયૅવાહી હાથ ધરી હોવાનું સુત્રોએ જણાવ્યું હતું.
