રાજસ્થાન અને ગુજરાતમાં ગરમીનું એલર્ટ

માર્ચ મહિનાની શરૂઆતમાં દેશભરમાં તાપમાન ઝડપથી વધી રહ્યું છે. માત્ર દિવસ જ નહીં, પણ રાત પણ ગરમ થઈ રહી છે. જ્યારે ઉત્તર અને પશ્ચિમ ભારત તીવ્ર ગરમીનો સામનો કરી રહ્યું છે, ત્યારે પર્વતીય રાજ્યો અને પૂર્વી ભારત માટે વરસાદ અને કરા પડવાની ચેતવણી જારી કરવામાં આવી છે. ભારતીય હવામાન વિભાગ (IMD) એ રાજસ્થાન, ગુજરાત અને વિદર્ભ જેવા વિસ્તારોમાં ગરમીના મોજાની ચેતવણી આપી છે.

એમડીના જણાવ્યા મુજબ, રાજસ્થાન, વિદર્ભ અને ગુજરાતમાં ગરમીનું મોજું ફૂંકાય તેવી શક્યતા છે. ઉત્તર-પશ્ચિમ ભારતીય મેદાનો, ગુજરાત અને મધ્યપ્રદેશમાં 11 માર્ચ સુધી તાપમાન સામાન્ય કરતાં 4-6ડિગ્રી સેલ્સિયસ વધુ રહેવાની શક્યતા છે. જમ્મુ અને કાશ્મીર અને હિમાચલ પ્રદેશમાં દિવસનું તાપમાન પણ સામાન્ય કરતાં 5-7 ડિગ્રી સેલ્સિયસ વધુ રહેવાની શક્યતા છે.

નવા પશ્ચિમી વિક્ષોભના સક્રિય થવાથી 15 માર્ચ સુધી હિમાલયના પ્રદેશોમાં હવામાન બદલાશે. 10 થી 12 માર્ચ દરમિયાન જમ્મુ અને કાશ્મીર અને હિમાચલ પ્રદેશમાં 30-50 કિમી/કલાકની ઝડપે પવન સાથે વાવાઝોડા અને કરા પડવાની સંભાવના છે. 10 અને 11 માર્ચે જમ્મુ અને કાશ્મીરમાં ભારે વરસાદની પણ આગાહી છે. 9 થી 15 માર્ચ દરમિયાન ઉત્તરાખંડમાં હળવો વરસાદ અને હિમવર્ષા થઈ શકે છે