By જિલ્લા કલેક્ટર અરવિંદ વિજયનના અધ્યક્ષ સ્થાને ગુરૂવારે પાટણ જિલ્લા કક્ષાનો સ્વાગત ફરિયાદ નિવારણ કાર્યક્રમ કલેકટર કચેરી ખાતે યોજાયો હતો. જેમાં કલેકટરે જિલ્લાના અરજદારોના પ્રશ્નો અને રજૂઆતો સાંભળી તેનો હકારાત્મક અભિગમ સાથે નિવેડો આવે એવા સૂચન અને આદેશ કર્યા હતા. કાર્યક્રમમાં જમીન માપણી સર્વે, મફત રાહત ગાળા માટેના પ્લોટ, વારસાઈ હક્ક, માનવ કલ્યાણ યોજના હેઠળ ટૂલ કીટ, દબાણ અને ગંદકી દૂર કરવી ઉપરાંત રસ્તા માટેની વિવિધ અરજીઓ અરજદારો તરફથી આવી હતી. જિલ્લા કલેકટરે તમામ અરજદારોને સાંભળી સંબંધિત વિભાગના અધિકારીઓને સત્વરે નિકાલ લાવવા માટે જણાવ્યું હતું. કાર્યક્રમમાં જિલ્લા વિકાસ અધિકારી સી.એલ. પટેલ જિલ્લા પોલીસવડા વી.કે.નાયી સહિતના અધિકારીઓ,કર્મચારીઓ અને અરજદારો ઉપસ્થિત રહ્યા હતા.
