By ડીસા તાલુકાના લુણપુર ગામમાં પંચાયતના બોરવેલના કેબલની ચોરીના બનાવો વારંવાર બનતા ગામલોકોમાં ભારે રોષ જોવા મળી રહ્યો છે. તાજેતરમાં ફરી એકવાર ત્રીસથી ચાલીસ મીટર કેબલની ચોરી થતાં ગામમાં પાણીની સમસ્યા ઉભી થઈ છે. આ અગાઉ પણ અનેક વખત આવી ચોરીઓ થઈ છે, જે અંગે પોલીસ તંત્રને ફરિયાદ કરવામાં આવી હોવા છતાં આજદિન સુધી કોઈ નક્કર કાર્યવાહી થઈ નથી. ગ્રામ પંચાયતના સભ્યો અને સરપંચ દ્વારા પોલીસને લેખિત જાણ કરવામાં આવી છે, છતાં ચોરીના બનાવો અટકતા નથી. ગ્રામજનોએ આ મામલે તંત્ર તાત્કાલિક કાર્યવાહી કરે અને ચોરી અટકાવવા કડક પગલાં ભરે તેવી માગણી કરી છે. આ વારંવાર બનતી ઘટનાથી ગામમાં કાયદો અને વ્યવસ્થાની પરિસ્થિતિ પર પણ સવાલો ઉભા થયા છે.
