By દક્ષિણ આફ્રિકાના જોહાનિસબર્ગમાં G-20 સમિટ સફળતાપૂર્વક પૂર્ણ થઈ છે. ભારતના વડા પ્રધાન નરેન્દ્ર મોદી સહિત વિવિધ દેશોના વડાઓએ આ સમિટમાં ભાગ લીધો હતો. પીએમ મોદીએ ઇટાલીના વડા પ્રધાન જ્યોર્જિયા મેલોની સહિત અનેક રાષ્ટ્રોના વડાઓ સાથે મુલાકાત કરી હતી. બંને નેતાઓ વચ્ચે રવિવારની વાતચીત બાદ, ભારત અને ઇટાલીએ આતંકવાદી ભંડોળ સામે સહયોગ કરવા માટે સંયુક્ત પહેલની જાહેરાત કરી હતી.
પ્રધાનમંત્રી નરેન્દ્ર મોદીએ તેમના એક્સ હેન્ડલ પર ઇટાલીના પીએમ જ્યોર્જિયા મેલોની સાથેની તેમની મુલાકાતની વિગતો અને ચર્ચા કરાયેલા વિષયો શેર કર્યા. પીએમ મોદીએ કહ્યું, “પ્રધાનમંત્રી જ્યોર્જિયા મેલોની સાથે મારી મુલાકાત ખૂબ જ સારી રહી. ભારત-ઇટાલી વ્યૂહાત્મક ભાગીદારી વધુ મજબૂત બની રહી છે, જેનાથી આપણા દેશોના લોકોને ઘણો ફાયદો થઈ રહ્યો છે. અમે વેપાર, રોકાણ, સંરક્ષણ, નવીનતા, કૃત્રિમ બુદ્ધિ, અવકાશ અને શિક્ષણ જેવા ક્ષેત્રોમાં આપણા સહયોગને વધુ વિસ્તૃત કરવા અંગે ચર્ચા કરી.
પીએમ મોદીએ જ્યોર્જિયા મેલોની સાથેની મુલાકાત વિશે વધુમાં કહ્યું – “ભારત અને ઇટાલી આતંકવાદના ભંડોળ સામે લડવામાં સહયોગ કરવા માટે એક સંયુક્ત પહેલની જાહેરાત કરી રહ્યા છે. આ એક જરૂરી અને સમયસરનો પ્રયાસ છે, જે આતંકવાદ અને તેના સમર્થન નેટવર્ક સામે માનવતાની લડાઈને મજબૂત બનાવશે.
પ્રધાનમંત્રીએ તેમના કેનેડિયન સમકક્ષ માર્ક કાર્ની, જાપાનના વડા પ્રધાન સના તાકાચી, ઇટાલીના વડા પ્રધાન જ્યોર્જિયા મેલોની, દક્ષિણ આફ્રિકાના રાષ્ટ્રપતિ સિરિલ રામાફોસા, તેમના બ્રિટિશ સમકક્ષ કીર સ્ટારમર, ફ્રેન્ચ રાષ્ટ્રપતિ ઇમેન્યુઅલ મેક્રોન, બ્રાઝિલના રાષ્ટ્રપતિ લુઇઝ ઇનાસિયો લુલા દા સિલ્વા અને અન્ય ઘણા વિશ્વ નેતાઓને મળ્યા.
