By બનાસકાંઠા જિલ્લાના ડીસા પાલનપુર હાઇવે માર્ગ ઉપર ભોયણ નજીક આજે બપોરના સુમારે એક સ્કૂલવાન અને કાર ધડાકા ભેર અથડાતાં ગમખ્વાર અકસ્માતની ઘટના સર્જાઈ હતી આ સ્કૂલવાન રસાણા થી ડીસા તરફ જઈ રહી હતી ત્યારે સામેથી પૂરઝડપે ઝડપે આવી રહેલ કાર ધડાકાભેર આ સ્કૂલવાનને અથડાતા સ્કુલવાન પલટી જવા પામી હતી.
જે જોઈને આસપાસના સ્થાનિક લોકો દોડી આવીને બચાવ કામગીરી હાથ ધરી હતી ને સ્કુલવાન માં બેઠેલા વિદ્યાર્થીઓને બહાર કાઢવા માં આવ્યા હતા, જોકે સ્કુલવાનમાં સવાર વિદ્યાર્થીઓને ઓછી વતી ઇજાઓ થતા વિદ્યાર્થીઓને 108 એમ્બ્યુલન્સ દ્વારા ડીસાની સિવિલ હોસ્પિટલ ખાતે ખસેડવામાં આવ્યા છે જોકે આ અક્સ્માત માં હજી સુધી જાનહાની ના કોઈપણ સમાચાર જાણવા મળેલ નથી જ્યારે ડીસા પોલીસને જાણ થતા તે પણ ઘટના સ્થળે પહોંચી વધુ તપાસ હાથ ધરી છે.
