By
અમદાવાદ પોલીસ પકડવા પહોંચી તો રિક્ષા દોડાવીને ગાળો ભાંડી, ફરિયાદ નોંધાઈ
(જી.એન.એસ),તા. ૧૮
અમદાવાદ
અમદાવાદમાં નરોડા પોલીસે બિયરનો જથ્થો લઈને આવી રહેલી મહિલાઓને પકડવા પીછો કર્યો હતો. ત્યારે મહિલાઓ પોલીસથી બચવા રિક્ષામાં નાસી રહી હતી. અચાનક રિક્ષા ઊભી રાખીને મહિલાઓએ પોલીસની હાજરીમાં રોડ પર બિયરની બોટલો ફેંકી હતી. પોલીસથી બચવા દારૂનો મહિલાઓએ જાતે જ નાશ કરી દીધો હતો. આ અંગે પોલીસે મહિલાઓ સામે ગુનો નોધી તપાસ હાથ ધરી છે.
નરોડા પોલીસને બાતમી મળી હતી કે નાના ચિલોડા તરફથી બે મહિલા રિક્ષામાં બિયરનો જથ્થો લઈને છારાનગર જઈ રહી છે, જેના આધારે પોલીસે રિક્ષા આવતાં પીછો કર્યો હતો. પોલીસથી બચવા શરૂઆતમાં રિક્ષા દોડાવી હતી. એ બાદ સરદારનગર પોલીસ સ્ટેશનની હદમાં મહિલાઓ બિયરના થેલા ફેંક્યા હતા. પોલીસ આવતાં મહિલાઓએ રોડ પર બિયરની બોટલ પોલીસની સામે જ ફેકી હતી, જોકે બનાવ બનતાં રાહદારીઓ પણ ગભરાઈ ગયા હતા. મહિલાઓનો બિયરની બોટલો ફેંકતો વીડિયો પણ વાઇરલ થયો છે, જેમાં તેમણે પોલીસને બીભત્સ ગાળો પણ આપી રહી હતી. જાહેર રોડ લઈ બિયરની બોટલો ફેંકતાં રોડ પર બિયરનો જથ્થો પડ્યો હતો. એના કારણે પોલીસને રોડ પરથી બિયરનો જથ્થો હટાવવાની ફરજ પડી હતી.
