By ઉત્તરપશ્ચિમ મેક્સિકોમાં શનિવારે એક ડિપાર્ટમેન્ટલ સ્ટોરમાં ભીષણ આગ અને ત્યારબાદ થયેલા વિસ્ફોટમાં ઓછામાં ઓછા 23 લોકો માર્યા ગયા, જેમાં ઘણા બાળકોનો સમાવેશ થાય છે અને 12 લોકો ઘાયલ થયા હોવાનું અધિકારીઓએ જણાવ્યું હતું.
સોનોરાના ગવર્નર અલ્ફોન્સો દુરાઝોએ સોશિયલ મીડિયા પર શેર કરેલા એક વીડિયોમાં જણાવ્યું હતું કે સોનોરા રાજ્યની રાજધાની હર્મોસિલો શહેરમાં આગ લાગી હતી. સોનોરાના એટર્ની જનરલ ગુસ્તાવો સલાસ ચાવેઝે જણાવ્યું હતું કે ઓછામાં ઓછા 23 લોકો માર્યા ગયા છે અને ઘાયલોને હર્મોસિલોની છ હોસ્પિટલોમાં લઈ જવામાં આવ્યા છે. સલાસ ચાવેઝે જણાવ્યું હતું કે પ્રાથમિક તપાસમાં જાણવા મળ્યું છે કે મૃત્યુ “ઝેરી ગેસ શ્વાસમાં લેવાથી” થયા છે.
ઘટનાસ્થળે હાજર ફાયર બ્રિગેડની ટીમ આગ ઓલવવામાં વ્યસ્ત છે. રાજ્યપાલે કહ્યું, “હાલમાં અમને એવા કોઈ સંકેત મળ્યા નથી જેનાથી એવું અનુમાન લગાવી શકાય કે આગ જાણી જોઈને લગાવવામાં આવી હતી.” તેમણે એમ પણ કહ્યું કે અધિકારીઓ આ કેસના દરેક પાસાની તપાસ કરશે. સોશિયલ મીડિયા પર વાયરલ થઈ રહેલા ફોટા ‘વાલ્ડો’ સ્ટોરમાં ભીષણ આગ જોવા મળી રહી છે. એક વીડિયોમાં, સ્ટોરના પ્રવેશદ્વારથી થોડા મીટર દૂર એક બળી ગયેલો માણસ પડેલો જોવા મળે છે.
