અમદાવાદના વટવામાં સગીરાને રૂ.100 આપી નરાધમ ફરવા લઈ જવાના બહાને આચર્યુ દુષ્કર્મ

(જી.એન.એસ) તા. 19

અમદાવાદ,

અમદાવાદના વટવા વિસ્તારમાંથી એક ચોંકાવનારો કિસ્સો સામે આવ્યો છે જેમાં એક વ્યક્તિ એ છઠ્ઠા ધોરણમાં અભ્યાસ કરતી વિદ્યાર્થિની સાથે દુષ્કર્મ આચર્યું હતું. આ અંગે હાલ સગીરાના માતા-પિતા દ્વારા પોલીસ સ્ટેશનમાં ફરિયાદ દાખલ કરવામાં આવી હતી. પોલીસે પોકસો એકટ હેઠળ ગુનો નોંધ્યો છે અને સગીરાને મેડિકલ માટે સારવાર હેઠળ ખસેડી છે અને આરોપીની ઝડપી પડી કાયદેસરની કાર્યવાહી શરુ કરી છે.

સ્કૂલે જતી સગીરાને આરોપીએ રસ્તામાં રોકી અને પોતાની રૂમમાં લઈ જઈ સગીરા સાથે દુષ્કર્મ આચર્યુ છે, સમગ્ર કેસમાં પોલીસે ગુનો નોંધીને યુપીથી આરોપી પ્રફુલ ઉર્ફે પ્રિન્સ ઠાકુરની ધરપકડ કરી છે. આ સમગ્ર ઘટનાની જાણ સગીરના પરિવારને થાય છે અને પોલીસ સ્ટેશનમાં ફરિયાદ કરવામાં આવી હતી અને પોલીસ દ્વારા આ ઘટનામાં આરોપીને ઝડપી લઇ ગુનો દાખલ કરી આગળની કાર્યવાહી શરુ કરી છે.

આ બાબતે પોલીસના જણાવ્યા અનુસાર વાત કરીએ તો આરોપીએ પહેલા 100 રૂપિયા આપ્યા અને ચલ આપણે ફરવા જઈએ તેમ કહી તે લઈ ગયો અને રૂમમાં જઈ દુષ્કર્મ આચર્યુ હતુ, 27 વર્ષીય આરોપી ગુનો કર્યા બાદ વતનમાં થયો હતો ફરાર અને જોકે વતન પહોંચે તે પહેલા જ વટવા પોલીસે આરોપીને દબોચ્યો છે. આરોપી વટવા વિસ્તારમાં છૂટક મજૂરી કરવા માટે આવ્યો હતો અને સગીરા રોજ સ્કૂલે આવતી જતી હોય ત્યારે વોચ રાખતો હતો. 100 રૂપિયામાંથી સગીરા ઘર માટે વસ્તુ લાવી હતી અને માતાએ પૂછ્યું હતું કે આ તમામ વસ્તુઓ તું ક્યાં થી લાવી ત્યારે સગીરાએ આખી વાત કરી હતી કે આ પ્રકારે આરોપીએ 100 રૂપિયા આપ્યા હતા.