By માનવ જીવન સામે ગંભીર જોખમ : વૈજ્ઞાનિક પરીક્ષણ
સમગ્ર ગુજરાત રાજ્યમાં પ્લાસ્ટિકનો બેફામ ઉપયોગ ચિંતાજનક સ્તરે પહોંચી ગયો છે. પ્લાસ્ટિકની થેલીઓ, ચા-કોફીના કપ, અને ઘર વપરાશની અનેક વસ્તુઓમાં પ્લાસ્ટિકનો વ્યાપક ઉપયોગ થઈ રહ્યો છે. આ પ્લાસ્ટિકનો આડેધડ નિકાલ માનવીઓ અને પશુઓ બંને માટે જીવલેણ સાબિત થઈ રહ્યો છે. ડીસા જેવા શહેરોમાં તો પ્લાસ્ટિકના ઢગલા સામાન્ય દૃશ્ય બની ગયા છે. રાજ્ય સરકાર દ્વારા પ્રતિબંધિત પ્લાસ્ટિકના ઉપયોગ સામે પાલિકા સ્તરે અનેકવાર સૂચનાઓ આપવામાં આવી હોવા છતાં, પાલિકા તંત્ર દ્વારા કોઈ નક્કર કાર્યવાહી ન થતાં આવા તત્વોને છૂટો દોર મળી રહ્યો છે.
વધતો જતો પ્લાસ્ટિકનો ઉપયોગ માનવજીવન માટે ગંભીર જોખમ ઊભું કરી રહ્યો હોવાનું વૈજ્ઞાનિક પરીક્ષણો દ્વારા સામે આવ્યું છે. જેમાં પુરુષોના શુક્રાણુ અને મહિલાઓના ફોલિક્યુલર ફ્લુઈડમાં પણ માઈક્રોપ્લાસ્ટિકની હાજરીથી પ્લાસ્ટિકનો વધતો જતો ઉપયોગ હવે માનવ જીવન માટે એક ગંભીર ખતરો બની રહ્યો છે. પર્યાવરણને નુકસાન પહોંચાડવા ઉપરાંત, પ્લાસ્ટિકના સૂક્ષ્મ કણો, એટલે કે માઈક્રોપ્લાસ્ટિક, હવે આપણા શરીરના અત્યંત સંવેદનશીલ અંગો સુધી પહોંચી ગયા હોવાનું તાજેતરના અભ્યાસો દર્શાવી રહ્યા છે. આ પરિસ્થિતિ માનવ પ્રજનન ક્ષમતા માટે પણ જોખમ ઊભું કરી શકે તેવી દહેશત વ્યક્ત કરવામાં આવી છે.
