બનાસકાંઠા જિલ્લામાં બ્રહ્મસમાજ દ્વારા પરશુરામ જયંતિની ઉજવણી કરવામાં આવી

જીલ્લાના અનેક સ્થળો પર શોભાયાત્રા સહિત વિવિધ કાર્યક્રમો યોજાયા

બ્રહ્મ સમાજના યુવકો કેશરી સાફામાં સજ્જ; બનાસકાંઠા જિલ્લામાં પરશુરામ ભગવાનના જન્મોત્સવ નિમિત્તે ઠેર ઠેર ભવ્ય શોભાયાત્રા સહિત વિવિધ ધાર્મિક કાર્યક્રમો નું આયોજન સમસ્ત બ્રહ્મ સમાજ દ્વારા કરવામાં આવ્યું હતું. બનાસકાંઠા જિલ્લામાં બ્રહ્મ સમાજના આરાધ્ય દેવ ભગવાન પરશુરામની જન્મ જયંતી ને લઇ શોભાયાત્રા નીકળી હતી. વહેલી સવારે અનેક સ્થળો પર આરતી બાદ પરશુરામ યાત્રાનું પ્રસ્થાન કરાવવામાં આવ્યું હતું. જેમાં વિવિધ શહેરો સહિત આજુબાજુ ગામડાઓમાં વસતા બ્રહ્મ સમાજ સહિત અન્ય સમાજના લોકો પણ જોડાયા હતા. શહેરો ની જુદી જગ્યાએ શોભાયાત્રા ફરી હતી. જેમાં બ્રહ્મ સમાજના યુવકો કેશરી સાફામાં સજ્જ બની શોભાયાત્રામાં જોડાતા આકર્ષણ જમાવ્યું હતું અનેક સ્થળો પર ભોજન પ્રસાદનું પણ આયોજન કરવામાં આવ્યું હતું. જેમાં અનેક લોકો એ લાભ લીધો હતો બનાસકાંઠા જિલ્લાના પાલનપુર સહિત વિવિધ શહેરોમાં બ્રહ્મ સમાજ દ્વારા પરશુરામ જયંતિ ને લઇ અનેક કાર્યક્રમો થયા હતા.