થરાદમાં વહીવટી તંત્ર આકરા પાણીએ ફટાકડાનો જથ્થો સિઝ  કર્યો

થરાદના નાયબ કલેકટર, મામલતર અને ચીફ ઓફિસરના માર્ગદર્શન અને હુકમ બાદ મંગળવારે સાંજના સમયે થરાદ નગરપાલિકા વિસ્તારમાં પોલીસ લાઈન પાછળ ટીમ સાથે રેડ કરવામાં આવી હતી. દરમિયાન બિન અધિકૃત અલગ અલગ જાતના 41 બોક્સ ફટાકડાનો જથ્થો મળી આવેલ હતો.જેમાં મકાન માલિક હાજર નહતા અને તેમના ભાડુઆત હાજર હતા. ત્યાર બાદ SDM મામલતદાર અને ચીફ ઓફિસરના આદેશ અનુસાર ફટાકડોનો જથ્થો જપ્ત કરવામાં આવેલ હતો.બુધવારે તેમના વિરુદ્ધમાં થરાદ નગરપાલિકા દ્વારા FIR દાખલ કરવામાં આવેલ હતી.તેમજ હોસ્પિટલમાં પણ ચેકીંગ હાથ ધરવામાં આવ્યું હતું. જેમાં નિધી બ્લડ બેંક, સામવેદ હોસ્પિટલ તેમજ દ્રષ્ટિ હોસ્પિટલ ફાયર સેફ્ટી અને બનાસ ઓર્થોપેડીક હોસ્પિટલમાં NOC માટે નોટિસ ફટકારવામાં આવી હતી. અને તેમજ અલગ અલગ ભંગારના વાડાઓ જે ફાયર સેફ્ટી સાધનો ધરાવતાં નહતા તેવા 05 એકમોને સીલ મારવામાં આવ્યા હતા. થરાદમાં વહીવટી તંત્રની કાર્યવાહીના પગલે ફફડાટની લાગણી પ્રસરી જવા પામી હતી.