By જમ્મુ-કાશ્મીરના પુંછમાં એક મોટી દુર્ઘટના ઘટી છે. પૂંચ જિલ્લાના મેંધર સબ ડિવિઝનના બાલનોઈ વિસ્તારમાં ભારતીય સેનાનું વાહન ઊંડી ખાઈમાં પડી ગયું છે. આ ઘટનામાં 5 જવાનોના મોત થયા છે અને 5 જવાનો ગંભીર રીતે ઘાયલ થયા છે. પ્રાપ્ત માહિતી અનુસાર, વાહનમાં કુલ 10 સૈનિકો હતા.
પૂંચ જિલ્લાના મેંધર સબ-ડિવિઝનના માનકોટ સેક્ટરના બાલનોઈ વિસ્તારમાં ભારતીય સેનાનું એક વાહન 300 ફૂટ ઊંડી ખીણમાં પડી જતાં મોટો અકસ્માત થયો હતો. સૂત્રોના જણાવ્યા અનુસાર, સૈન્યના જવાનો એક વાહનમાં તેમની ચોકી તરફ જઈ રહ્યા હતા ત્યારે રસ્તામાં ડ્રાઈવરે વાહન પરનો કાબૂ ગુમાવ્યો અને આ અકસ્માત થયો. કેટલાક ઘાયલોની હાલત અત્યંત ગંભીર હોવાનું કહેવાય છે, અને તેમને સારવાર માટે હોસ્પિટલમાં દાખલ કરવામાં આવ્યા છે. હાલમાં બચાવ કામગીરી ચાલી રહી છે અને રાહત અને બચાવ ટીમ ઘટનાસ્થળે પહોંચી ઘાયલોને બચાવવાનો પ્રયાસ કરી રહી છે. આ ઘટના LoC નજીક બની હતી જે પોલીસ ચોકી માનકોટ અને પોલીસ સ્ટેશન મેંધર હેઠળ આવે છે.
શ્રીનગરમાં તાજેતરમાં 33 વર્ષમાં સૌથી ઠંડી રાત હતી અને અહીંનું લઘુત્તમ તાપમાન માઈનસ 8.5 ડિગ્રી સેલ્સિયસ નોંધાયું હતું. ખીણમાં અન્ય સ્થળોએ તાપમાન પણ શૂન્યથી નીચે હતું, જેના કારણે ઘણા વિસ્તારોમાં પાણી પુરવઠાની પાઈપલાઈન જામી ગઈ હતી.
