નિફટી ફ્યુચર ૨૫૮૦૮ પોઈન્ટ ઉપર તેજી તરફી ધ્યાન..!!!

કરન્સી માર્કેટની વાત કરીએ તો, ઓપેક દ્વારા આગામી માસમાં ક્રૂડઓઈલના દૈનીક ઉત્પાદનમાં વધુ ૪ લાખ ૧૧ હજાર બેરલ્સની વૃધ્ધિ કરવાની વિચારણાએ ક્રૂડ ઓઇલના ભાવમાં ઘટાડો અને રોકાણકારોની જોખમ લેવાની ક્ષમતામાં સુધારો થતા ડોલર સામે ભારતીય રૂપિયો મજબૂત બન્યો હતો.

સેક્ટર મુવમેન્ટ… બીએસઇ પર મીડકેપ ઈન્ડેક્સ ૦.૬૭% અને સ્મોલકેપ ઈન્ડેક્સ ૦.૮૧% વધીને બંધ રહ્યા હતા. વિવિધ સેક્ટરલ ઈન્ડાયસીસની વાત કરીએ તો બીએસઈ પર કેપિટલ ગુડ્સ ૧.૧૦%, સર્વિસીસ ૧.૦૮%, ઈન્ડસ્ટ્રિયલ્સ ૦.૬૬%, હેલ્થકેર ૦.૫૬%, કંઝ્યુમર ડ્યુરેબલ્સ ૦.૪૨%, ફોકસ્ડ આઈટી ૦.૨૩%, ઈનફોર્મેશન ટેકનોલોજી ૦.૧૬%, કંઝ્યુમર ડિસ્ક્રેશનરી ૦.૧૨%, પાવર ૦.૧૨%, ટેલિકોમ્યુનિકેશન ૦.૦૨% અને કોમોડિટીઝ ૦.૦૧% વધ્યા હતા, જયારે અન્ય બીજા તમામ સેક્ટરલ ઈન્ડાયસીસ ઘટાડા સાથે બંધ રહ્યા હતા.

બીએસઈમાં કુલ ટ્રેડીંગ થયેલી ૪૨૯૦ સ્ક્રિપોમાંથી ઘટનારની સંખ્યા ૧૭૫૦ અને વધનારની સંખ્યા ૨૩૬૨ રહી હતી, ૧૭૮ શેરના ભાવમાં કોઈ ફેરબદલ જોવાયો ન હતો. જ્યારે ૧૪ શેરોમાં ઓનલી સેલરની મંદીની નીચલી સર્કિટ સામે ૭ શેરોમાં ઓનલી બાયરની તેજીની ઉપલી સર્કિટ રહી હતી.

બીએસઈ સેન્સેક્સ સમાવિષ્ટ શેરોમાં મુખ્યત્વે ટ્રે્ન્ટ ૩.૩૪%, સ્ટેટ બેન્ક ૧.૮૬%, બીઈએલ ૧.૬૩%, ઈટર્નલ ૦.૭૨%, અદાણી પોર્ટ્સ ૦.૦૭%, ટાઈટન ૦.૫૬%, બજાજ ફિનસર્વ ૦.૫૬%, ટાટા કન્સલ્ટન્સી ૦.૫૨% અને ટેક મહિન્દ્રા વધ્યા હતા, જ્યારે એક્સિસ બેન્ક ૨.૧૧%, કોટક બેન્ક ૨.૦૩%, મારુતિ ૧.૯૫%, અલ્ટ્રાટેક સિમેન્ટ ૧.૩૩%, બજાજ ફાઈનાન્સ ૧.૦૯%, આઈસીઆઈસીઆઈ બેન્ક ૧.૦૯%, રિલાયન્સ ઇન્ડસ્ટ્રીઝ ૧.૦૨%, ટાટા સ્ટીલ ૧.૦૨% અને ભારતી એરટેલ ૦.૯૯% ઘટ્યા હતા.

ઈન્ડેક્સ બેઝડ સેન્સેક્સ, નિફટી ફ્યુચરમાં ઘટાડા સામે મીડકેપ, સ્મોલકેપ શેરોમાં લેવાલીએ રોકાણકારોની સંપતિ બીએસઈમાં લિસ્ટેડ કંપનીઓનું એક્ત્રિત માર્કેટ કેપિટલાઈઝેશન ૧.૦૪ લાખ કરોડ વધીને ૪૬૧.૧૩ લાખ કરોડ રહ્યું હતું. એસએન્ડપી બીએસઈ સેન્સેક્સની ૩૦ કંપનીઓમાંથી ૧૨ કંપનીઓ વધી અને ૧૮ કંપનીઓ ઘટી હતી.

બજારની ભાવિ દિશા….

મિત્રો, અમેરિકાના રાષ્ટ્રપ્રમુખ ડોનાલ્ડ ટ્રમ્પ દ્વારા વિવિધ દેશો પર લાદવામાં આવેલા રેસિપ્રોકલ ટેરિફની ૯૦ દિવસની મુક્તિ મર્યાદા નવ જુલાઈના રોજ પૂર્ણ થવાના આરે છે. તે પહેલાં આઠ જુલાઈના રોજ ભારત અને અમેરિકા વચ્ચે ટેરિફમાં રાહત સહિત વેપાર મુદ્દે ડીલ થાય તેવી તીવ્ર શક્યતા જોવા મળી રહી છે. અમેરિકાએ ભારત પર ૨૬% રેસિપ્રોકલ ટેરિફ લાદ્યો હતો. જેમાં નવ જુલાઈ સુધી મુક્તિ આપવામાં આવી છે. ભારત અને અમેરિકા વચ્ચે વચગાળાના વેપાર કરાર પર આઠ જુલાઈના રોજ અંતિમ મહોર લાગી શકે છે. બંને દેશો વચ્ચે તમામ શરતો પર સહમતિ દર્શાવવામાં આવી છે. ટ્રમ્પે ભારત સાથે વેપાર કરાર સકારાત્મક ધોરણે આગળ વધી રહ્યો હોવાના સંકેતો અનેક વખત મળી ચૂક્યા છે. ગત સપ્તાહે જ તેમણે કહ્યું હતું કે, તમામ વેપાર પડકારો દૂર કરવા જઈ રહ્યા છીએ.

અમેરિકા અને ભારત વચ્ચે મુખ્યત્વે કૃષિ, ઓટોમોબાઈલ, ઔદ્યોગિક ઉત્પાદનો અને શ્રમજીવી પ્રોડક્ટ્સ સહિતના ક્ષેત્રો પર ડીલ થશે. અમેરિકાને કૃષિ અને ડેરી પ્રોડક્ટ્સમાં ડ્યૂટીમાં રાહત આપવાથી ભારત માટે પડકારો ઉભા થયા છે. ભારતે મુક્ત વેપાર કરારમાં ડેરી ક્ષેત્રે અત્યારસુધી કોઈ કરાર કર્યા નથી. જેથી આ ક્ષેત્રે મહત્ત્વના નિર્ણય લેવાઈ શકે છે. આ સિવાય અમેરિકા ઔદ્યોગિક ઉત્પાદનો, ઓટોમોબાઈલ્સ ખાસ કરીને ઈલેક્ટ્રિક વાહનો, વાઈન, પેટ્રોકેમિકલ પ્રોડક્ટ્સ, ડેરી અને કૃષિ પ્રોડક્ટ્સ પર ડ્યુટીમાં રાહતની ઈચ્છા ધરાવે છે. જ્યારે ભારતે ટેક્સટાઈલ, જેમ્સ-જ્વેલરી, લેધર ગુડ્સ, કપડાં, પ્લાસ્ટિક, કેમિકલ્સ અને તેલિબિયાં સહિતની પ્રોડક્ટ્સ પર ડ્યુટીમાં રાહતની માંગ કરી છે.

ડિસ્ક્લેમર / પોલીસી / શરતો www.nikhilbhatt.in ને આધીન…!!!

The securities quoted are for illustration only and are not recommendatory. Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in