આજે ભારત અને ન્યુઝીલેન્ડ વચ્ચે આઈસીસી ચેમ્પિયન્સ ટ્રોફીની ફાઇનલ મેચ

(જી.એન.એસ) તા. 8

દુબઈ,

ટીમ ઈન્ડિયા ચેમ્પિયન્સ ટ્રોફીની ફાઇનલમાં પહોંચી ગઈ છે. આ પહેલા ભારતીય ટીમે વર્ષ 2013માં એમએસ ધોનીની કેપ્ટનસીમાં ચેમ્પિયન્સ ટ્રોફીનો ખિતાબ જીત્યો હતો. હવે બીજી ટ્રોફી પણ દૂર નથી. જોકે વર્ષ 2002માં ભારત જોઈન્ટ વિનર બન્યું હતું, તેથી આ ત્રીજી ટ્રોફી હશે. 

ભારતીય સમય મુજબ, આ મેચ બપોરે 2.30 વાગ્યે શરૂ થશે.

આજની ફાઇનલ મેચ દુબઈ ઇન્ટરનેશનલ સ્ટેડિયમ ખાતે રમાશે. ભારત અને ન્યુઝીલેન્ડની મેચમાં સ્પિનરોને મદદ મળી શકે છે. ભારતીય ટીમ 4 સ્પિનરોને મેદાનમાં ઉતારી શકે છે.અત્યાર સુધી આ મેદાન પર ફક્ત સ્પિન બોલરો જ પોતાનું શ્રેષ્ઠ પ્રદર્શન કરતા જોવા મળ્યા છે. તેથી, ભારતીય ટીમ 4 સ્પિનરો સાથે ફિલ્ડિંગ કરી રહી છે.વરુણ ચક્રવર્તીએ 2025માં ચેમ્પિયન્સ ટ્રોફીમાં ન્યુઝીલેન્ડ સામે 5 વિકેટ પણ લીધી હતી.

ભારતીય ટીમ:-

રોહિત શર્મા (કેપ્ટન), શુભમન ગિલ (ઉપ-કેપ્ટન), વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, અક્ષર પટેલ, રવિન્દ્ર જાડેજા, મોહમ્મદ શમી, વરુણ ચક્રવર્તી, કુલદીપ યાદવ.

ન્યૂઝીલેન્ડ ટીમ:-

મિશેલ સેન્ટનર (કેપ્ટન), વિલ યંગ, ડેવોન કોનવે, કેન વિલિયમસન, રચિન રવિન્દ્ર, ટોમ લેથમ (વિકેટકીપર), ગ્લેન ફિલિપ્સ, માઈકલ બ્રેસવેલ, મેટ હેનરી, કાયલ જેમીસન, વિલિયમ ઓ’રોર્ક.