By દિલ્હીથી ગોવા જતી ઇન્ડિગોની ફ્લાઇટ 6E 6271 ને બુધવારે મુંબઈ એરપોર્ટ પર ઇમરજન્સી લેન્ડિંગ કરાવવું પડ્યું. મુંબઈ એરપોર્ટ પર ફ્લાઇટના ઇમરજન્સી લેન્ડિંગ પહેલાં, પાયલોટે ‘PAN PAN PAN’ કહ્યું. વાસ્તવમાં, આ ‘PAN PAN PAN’ એ જણાવે છે કે વિમાનમાં તાત્કાલિક પરિસ્થિતિ છે, પરંતુ તાત્કાલિક કોઈ ખતરો નથી.
એરબસ A320neo સંચાલિત વિમાને ૧૯૧ લોકો સાથે દિલ્હીના ઇન્દિરા ગાંધી આંતરરાષ્ટ્રીય વિમાનમથકથી ગોવા એરપોર્ટ માટે ઉડાન ભરી હતી, પરંતુ હવામાં એન્જિનમાં ખામી સર્જાતા તેને મુંબઈમાં કટોકટી ઉતરાણ કરવું પડ્યું. ફ્લાઇટ રાત્રે ૯:૫૩ વાગ્યે સુરક્ષિત રીતે ઉતરાણ કર્યું.
મુંબઈ એરપોર્ટના અધિકારીઓએ જણાવ્યું હતું કે આ ઘટના ત્યારે બની જ્યારે ઇન્ડિગો ફ્લાઇટ ભુવનેશ્વરથી લગભગ 100 નોટિકલ માઇલ ઉત્તરમાં ઉડાન ભરી રહી હતી. એક અધિકારીએ જણાવ્યું હતું કે, “એન્જિન નંબર-1 માં ખામીને કારણે પાઇલટે ‘પાન પાન પાન’ (એક તાત્કાલિક સંદેશ જે જીવલેણ કટોકટીનો સંકેત આપે છે) જાહેર કર્યો હતો.
જોકે, ઇન્ડિગોએ જણાવ્યું હતું કે ટેકનિકલ ખામીને કારણે આ એક નિયમિત ડાયવર્ઝન હતું. એરલાઇનના પ્રવક્તાએ જણાવ્યું હતું કે, “દિલ્હીથી મનોહર ઇન્ટરનેશનલ એરપોર્ટ, ગોવા જતી ફ્લાઇટ નંબર 6E 6271 માં 16 જુલાઈ, 2025 ના રોજ ટેકનિકલ ખામી સર્જાઈ હતી. પ્રક્રિયાઓનું પાલન કરીને, વિમાનને છત્રપતિ શિવાજી મહારાજ ઇન્ટરનેશનલ એરપોર્ટ, મુંબઈ તરફ વાળવામાં આવ્યું હતું અને સુરક્ષિત રીતે ઉતરાણ કરવામાં આવ્યું હતું.
