By બિહાર વિધાનસભા ચૂંટણી પહેલા રાજ્ય ચૂંટણી પંચ ઇતિહાસ રચવા જઈ રહ્યું છેઃ પંચે મ્યુનિસિપલ ચૂંટણીઓમાં મોબાઇલ એપ દ્વારા મતદાન કરવાની યોજના બનાવીઃ આયોગે દસ દિવસથી આ અંગે જાગળતિ અભિયાન પણ ચલાવ્યું
બિહાર વિધાનસભા ચૂંટણી પહેલા મતદાનને લઈને એક નવો ફેરફાર થવા જઈ રહ્યો છે. બિહાર દેશનું પહેલું રાજ્ય બનવા જઈ રહ્યું છે જ્યાં ફોન દ્વારા મતદાન શકય બનશે. પ્રસાદે શુક્રવારે આ માહિતી આપી. પટના, રોહતાસ અને પૂર્વ ચંપારણમાં છ નગર પરિષદો માટે શનિવારે મતદાન પહેલા તેમની ટિપ્પણી આવી હતી. જોકે, હાલમાં એ સ્પષ્ટ નથી કે આગામી વિધાનસભા ચૂંટણીમાં ફોન દ્વારા મતદાન થશે કે નહીં.આ અંગે વધુ માહિતી આપતાં બિહાર ચૂંટણી કમિશનર દીપક પ્રસાદે જણાવ્યું હતું કે આ સુવિધા એવા લોકો માટે ઉપલબ્ધ રહેશે જેઓ મતદાન મથક પર જઈને મતદાન કરી શકતા નથી.
તેમણે કહ્યું કે ઓનલાઈન મતદાન કરવા માટે, મતદારોના ફોનમાં એક એપ ઇન્સ્ટોલ કરેલી હોવી જરૂરી છે. અન્ય રાજ્યોમાં રહેતા વરિષ્ઠ નાગરિકો, અપંગ લોકો, ગર્ભવતી મહિલાઓ અને મતદારો આ સુવિધાનો લાભ લઈ શકે છે. રાજ્ય ચૂંટણી પંચે ૧૦ થી ૨૨ જૂન દરમિયાન આ સંદર્ભે જાગળતિ અભિયાન પણ ચલાવ્યું હતું.પ્રસાદે કહ્યું, આ સુવિધાનો લાભ લેવા માટે, મતદારોએ E-SECBHR એપ ઇન્સ્ટોલ કરવી પડશે. આ પછી, તેને મતદાર યાદીમાં ઉમેરાયેલા નંબર સાથે લિંક કરવી પડશે. આ એપ હાલમાં ફક્ત એન્ડ્રોઇડ ફોન પર જ કામ કરશે. આ એપ સેન્ટર ફોર ડેવલપમેન્ટ ઓફ એડવાન્સ્ડ કમ્પ્યુટિંગ દ્વારા બનાવવામાં આવી છે, જ્યારે બીજી એક એપ છે જે બિહાર ચૂંટણી પંચ દ્વારા બનાવવામાં આવી છે.ૅઈ-વોટિંગ અંગે સૌથી મોટો ભય તેમાં છેડછાડ થવાની શકયતા છે. આવી સ્થિતિમાં, આ પ્રશ્નનો જવાબ આપતાં, ચૂંટણી પંચે કહ્યું કે મતદાન પ્રક્રિયા સરળ અને ન્યાયી હોવી જોઈએ.
પારદર્શિતા જાળવવા માટે ઘણા પ્રયાસો કરવામાં આવ્યા છે. જેમ કે એક મોબાઇલ નંબરનો ઉપયોગ કરીને ફક્ત બે નોંધાયેલા મતદારોને લોગ ઇન કરવાની મંજૂરી આપવામાં આવશે. આ ઉપરાંત, દરેક લોટને મતદાર ઓળખ કાર્ડનો ઉપયોગ કરીને તપાસવામાં આવશે અને ચકાસવામાં આવશે. આ ઉપરાંત, જે મતદારો પાસે મોબાઈલ ફોન નથી તેઓ બિહાર ચૂંટણી પંચની વેબસાઇટ પર પણ ઈ-વોટ આપી શકે છે.પ્રસાદે કહ્યું, અમારી યોજનામાં ભાગ લેવા અને ઈ-વોટ આપવા માટે લગભગ ૧૦ હજાર મતદારોએ ઈ-વોટિંગ સિસ્ટમમાં નોંધણી કરાવી છે. આ ઉપરાંત, અમને આશા છે કે લગભગ ૫૦ હજાર વધુ મતદારો મતદાન કેન્દ્રો પર જવાને બદલે ઓનલાઈન મતદાન કરશે.સુરક્ષિત રીતે પૂર્ણ કરવાની પદ્ધતિ સમજાવતા, પ્રસાદે કહ્યું કે અમે આમાં ડિજિટલ સુરક્ષા પગલાંનું સંપૂર્ણ ધ્યાન રાખ્યું છે. તેમણે કહ્યું, આ સિસ્ટમમાં બ્લોકચેન ટેકનોલોજી, ફેસ મેચિંગ અને સ્કેનિંગ જેવી સુવિધાઓ શામેલ હશે જેથી ખાતરી કરી શકાય કે તેની સાથે છેડછાડ ન થઈ શકે. આ ઉપરાંત, VVPAT મશીન જેવું ઓડિટ ટ્રેલ પણ હશે, જે આપણને વધુ પારદર્શિતા જાળવી રાખવામાં સક્ષમ બનાવશે.
