દિલ ખોલીને રસ્તા પર નાચ્યું રીંછનું બચ્ચુ, વિડીયો જોઇને લોકોએ પણ કહ્યું- આમ જીવાય

પ્રાણીઓ પણ મસ્તી કરે છે, જ્યારે તેઓ મસ્તી કરે છે ત્યારે તેમની સામે સૌ ફેઇલ થઈ જાય છે. જેમ હાથીના વિડીયો આવે છે. તેઓ પાણી સાથે મસ્તી કરતા હોય છે. દરેક પ્રાણીની અલગ દુનિયા હોય છે અને ખુશ રહેવાની અને મજા કરવાની અલગ અલગ રીતો હોય છે. આવો જ એક વિડીયો રીંછ (Bear cub dancing)નો સામે આવ્યો છે.

મસ્તીમાં કૂદતું જોવા મળ્યું રીંછનું બચ્ચુ

Dance like nobody’s watching…🐻🕺😍😅 pic.twitter.com/GoEr16oog2

— 𝕐o̴g̴ (@Yoda4ever) June 2, 2022

રીંછનું બચ્ચું એટલી મસ્તીથી ડાન્સ કરે છે કે, તેને જોઈને લોકોના મન નાચવા માંડે છે. તમને પણ આ રિંછનો વિડીયો જોઈને ડાન્સ કરવાનું મન થશે. આ વિડીયોમાં એક રીંછ જોઈ શકાય છે. તે મસ્તીમાં કૂદતુ હોય તેવું લાગે છે. વિડીયો જોઈને એવું લાગે છે કે જીવન પણ આ રીંછ જેવું જ હોવું જોઈએ. કોઈની ચિંતા ન કરો, વ્યક્તિ ફક્ત આનંદમાં આસાનીથી ઝૂમતો રહે છે. કોઈપણ વસ્તુની પરવા કર્યા વિના દરેક મનુષ્ય માટે આ રીતે ડાન્સ કરવો જરૂરી છે. જેથી જીવન આનંદમય રીતે જીવી શકાય.

13 સેકેન્ડના આ વિડીયોને 26 લાખ લોકોએ જોયો

લોકો આ વિડીયો પસંદ કરી રહ્યા છે. ઉલ્લેખનીય છે કે, માત્ર 13 સેકન્ડના વિડીયોને 26 લાખ લોકોએ જોયો છે. લોકોએ કોમેન્ટ કરીને લખ્યું કે, જીવનમાં હંમેશા આવો ડાન્સ કરવો જોઈએ, જેને જોઈને લાગે કે કોઈ તમને જોઈ રહ્યું નથી. તો કેટલાક લોકો લખી રહ્યા છે કે, આભાર કે તે રીંછનું બચ્ચુ હતું, જો આ રીંછનું બચ્ચુ ના હોત તો આ વિડીયો અમારા સુધી ન પહોંચ્યો હોત.