By શેરબજારના રોકાણકારો માટે ગયા સપ્તાહે ઘણું ખરાબ પરિણામ આવ્યું હતું. આ સમયગાળા દરમિયાન, દેશની 10 સૌથી મોટી કંપનીઓમાંથી 7 કંપનીઓના માર્કેટ કેપમાં 3,63,412.18 કરોડ રૂપિયાનો મોટો ઘટાડો નોંધાયો હતો. જ્યારે બાકીની 3 કંપનીઓના માર્કેટ કેપમાં કુલ 41,598.99 કરોડ રૂપિયાનો વધારો થયો હતો. ગયા સપ્તાહે રિલાયન્સ ઇન્ડસ્ટ્રીઝના માર્કેટ કેપમાં સૌથી મોટો ઘટાડો નોંધાયો હતો. તે જ સમયે, ICICI બેંકના મૂલ્યાંકનમાં નોંધપાત્ર વધારો જોવા મળ્યો હતો. તમને જણાવી દઈએ કે ગયા સપ્તાહે BSEનો બેન્ચમાર્ક ઇન્ડેક્સ 2185.77 પોઈન્ટ (2.54 ટકા) ના મોટા ઘટાડા સાથે બંધ થયો હતો.
ગયા અઠવાડિયે નુકસાન નોંધાવનારી કંપનીઓમાં રિલાયન્સ ઇન્ડસ્ટ્રીઝ, HDFC બેંક, ટાટા કન્સલ્ટન્સી સર્વિસીસ, ભારતી એરટેલ, ઇન્ફોસિસ, બજાજ ફાઇનાન્સ અને લાર્સન એન્ડ ટુબ્રોનો સમાવેશ થાય છે. ICICI બેંક, હિન્દુસ્તાન યુનિલિવર અને સ્ટેટ બેંક ઓફ ઇન્ડિયાના બજાર મૂડીકરણમાં વધારો જોવા મળ્યો.
શુક્રવારે પૂરા થયેલા સપ્તાહમાં રિલાયન્સ ઇન્ડસ્ટ્રીઝનું માર્કેટ કેપ ₹158,532.91 કરોડ ઘટીને ₹19,96,445.69 કરોડ થયું. HDFC બેંકનું માર્કેટ કેપ ₹96,153.61 કરોડ ઘટીને ₹14,44,150.26 કરોડ થયું. ભારતી એરટેલનું માર્કેટ કેપ ₹45,274.72 કરોડ ઘટીને ₹11,55,987.81 કરોડ થયું, અને બજાજ ફાઇનાન્સનું માર્કેટ કેપ ₹18,729.68 કરોડ ઘટીને ₹5,97,700.75 કરોડ થયું.
લાર્સન એન્ડ ટુબ્રોનું માર્કેટ કેપ ₹18,728.53 કરોડ ઘટીને ₹5,53,912.03 કરોડ થયું, જ્યારે ટાટા કન્સલ્ટન્સી સર્વિસીસનું માર્કેટ કેપ ₹15,232.14 કરોડ ઘટીને ₹11,60,682.48 કરોડ થયું. ઇન્ફોસિસનું માર્કેટ કેપ ₹10760.59કરોડ ઘટીને ₹670875 કરોડ થયું.
આ દરમિયાન, ICICI બેંકનું માર્કેટ કેપ ₹34,901.81 કરોડ વધીને ₹10,03,674.95 કરોડ થયું. હિન્દુસ્તાન યુનિલિવરનું માર્કેટ કેપ ₹6,097.19 કરોડ વધીને ₹5,57,734.23 કરોડ થયું. આ દરમિયાન, સ્ટેટ બેંક ઓફ ઈન્ડિયાનું માર્કેટ કેપ ₹599.99 કરોડ વધીને ₹9,23,061.76 કરોડ થયું.
