England vs India; ગિલના નેતૃત્વ હેઠળની ટીમ ઈન્ડિયા પાસે જીત સાથે શ્રેણી બરાબર કરવાની તક

પહેલી ટેસ્ટમાં હાર બાદ ગિલે પોતાની કેપ્ટનશિપમાં ટીમ ઇન્ડિયાને જે રીતે શાનદાર જીત અપાવી તેનાથી અનુભવી ક્રિકેટરો ખૂબ પ્રભાવિત થયા. જોકે, ઓસ્ટ્રેલિયાના ભૂતપૂર્વ કેપ્ટન ગ્રેગ ચેપલ માને છે કે ભારતના યુવા કેપ્ટન શુભમન ગિલે અત્યાર સુધી ઇંગ્લેન્ડ સામે શાનદાર બેટિંગ અને નેતૃત્વ ક્ષમતાની ઝલક બતાવી છે, પરંતુ વાસ્તવિક કસોટી હજુ બાકી છે. લોર્ડ્સ ટેસ્ટમાં ભારતને 22 રનથી હારનો સામનો કરવો પડ્યો હતો, જેનાથી ઇંગ્લેન્ડ શ્રેણીમાં આગળ છે. હવે બંને ટીમો 23 જુલાઈથી માન્ચેસ્ટરમાં ચોથી મેચમાં એકબીજાનો સામનો કરશે

ખેલાડીઓ પર વિશ્વાસ રાખવો પડશે; ગ્રેગ ચેપલે શુભમન ગિલને સલાહ આપી કે તે તેની મુખ્ય ટીમ સાથે રહે અને પસંદગીકારો સાથે કામ કરીને એવા ખેલાડીઓ પર વિશ્વાસ કરે જે મુશ્કેલ પરિસ્થિતિઓમાં મેચ જીતી શકે. તેમણે કહ્યું કે ગિલ અને પસંદગીકારોએ એવા ખેલાડીઓને ઓળખવા પડશે જે દબાણ હેઠળ પ્રદર્શન કરી શકે છે. કેપ્ટને દરેક ખેલાડીની ભૂમિકા સ્પષ્ટ રીતે સમજાવવી જોઈએ, જેથી દરેકને તેમની જવાબદારી ખબર પડે. ચેપલનું નિવેદન એવા સમયે આવ્યું છે જ્યારે ટીમ ઈન્ડિયા શ્રેણીમાં પાછળ રહી ગઈ છે અને આગામી ટેસ્ટ નિર્ણાયક સાબિત થઈ શકે છે. શુભમન ગિલ પાસે માત્ર ભારતને શ્રેણીમાં પાછું લાવવાની તક જ નથી, પરંતુ એક વિશ્વસનીય અને વ્યૂહાત્મક કેપ્ટન તરીકે પોતાને સ્થાપિત કરવાની સુવર્ણ તક પણ છે.