By પ્રાંતિજના કાટવાડ પાટિયા પાસે આવેલ હેક્ઝોન ઇન્ટરકેમ પ્રાઇવેટ લિમિટેડમાં મોકડ્રિલનું આયોજન કરાયું હતું.મોકડ્રિલમાં પ્લાન્ટમાં મિથિલિન ઓક્સાઈડ ગેસ ગળતર સાથે આગ લાગતાં તમામ કર્મચારીઓને સુરક્ષિત સ્થળે ખસેડવાની પ્રક્રિયા હાથ ધરાઇ હતી.
ઘટનાની જાણ થતા જ સ્થાનિક પોલીસ તંત્ર, ફાયર બ્રિગેડની ટીમો અને એમ્બ્યુલન્સ ઘટનાસ્થળે પહોંચી ગયા હતા. ફાયર ફાઈટરો દ્વારા ગેસ ગળતર પર કાબૂ મેળવવા અને આગને ઓલવવા અદ્યતન સાધનોનો ઉપયોગ કરી કામગીરી કરાઇ હતી. ડ્રિલ દરમિયાન ઈજાગ્રસ્ત વ્યક્તિઓને તાત્કાલિક પ્રાથમિક સારવાર આપી હોસ્પિટલ ખસેડ્યા હતા.
