ટુર્નામેન્ટ દરમિયાન ધાર્મિક નેતાઓ શા માટે ભાષણો આપી રહ્યા છે? કતાર FIFA વર્લ્ડ કપના બહાને ઈસ્લામનો પ્રચાર કરી રહ્યું છે?

કતારમાં ઘણા ધર્મગુરુઓએ ધર્મ પરિવર્તનનો પ્રયાસ કરવાની અપીલ કરી છે. ફિફા વર્લ્ડ કપનો યજમાન દેશ ઇસ્લામનો પ્રચાર કરવા માટે આ ટુર્નામેન્ટનો ફાયદો ઉઠાવી રહ્યો છે. મીડિયા અહેવાલો અનુસાર, લાખો ફૂટબોલ ચાહકોને કતારમાં ધર્મ પરિવર્તન કરવા માટે પ્રેરિત કરવામાં આવી રહ્યા છે. આ માટે વિવિધ પદ્ધતિઓ અપનાવવામાં આવી રહી છે. ફિફા વર્લ્ડ કપની યજમાની કરનાર કતાર પહેલો મુસ્લિમ દેશ છે. ગેસથી સમૃદ્ધ આ દેશ પોતાની ખાસ મસ્જિદ દ્વારા ફૂટબોલ ચાહકોને ઇસ્લામ તરફ આકર્ષિત કરી રહ્યો છે.
કતારમાં વર્લ્ડ કપ એ “લાખો લોકોને ઇસ્લામનો પરિચય કરાવવાની અને પશ્ચિમના ઘણા લોકો દ્વારા કટ્ટરવાદ સાથે સંકળાયેલા ધર્મ વિશેની “ખોટી માન્યતાઓ” બદલવાની તક છે.
વિશ્વ કપના સંબંધમાં મહિલાઓ અને LGBTQ અધિકારો પર કતારનો રેકોર્ડ ભારે ચકાસણી હેઠળ આવ્યો છે. મુલાકાતીઓ ઇસ્લામની પાંચ મિનિટની વર્ચ્યુઅલ રિયાલિટી ટૂર કરી શકે છે. આ અભિયાન સમગ્ર કતારમાં ચલાવવામાં આવી રહ્યું છે. બજારની નજીક, શેખ અબ્દુલ્લા બિન ઝાયેદ ઇસ્લામિક કલ્ચરલ સેન્ટર પ્રવાસ માટે દિવસમાં 12 કલાક ખુલ્લું રહે છે. કતારના કેટલાક મુસ્લિમ નેતાઓએ મુલાકાત લેતા ફૂટબોલ ચાહકોને ઇસ્લામમાં પરિવર્તિત કરવાના પ્રયાસો કરવા હાકલ કરી છે.
કતારના ધાર્મિક મંત્રાલયના એક અધિકારીએ તેમણે ભારપૂર્વક જણાવ્યું હતું કે ઇસ્લામ બળજબરીથી ધર્માંતરણને સ્વીકારતું નથી. રાજ્યનું લક્ષ્ય “ઇસ્લામ સ્વીકારનારા લોકોની સંખ્યા નથી, પરંતુ તેના વિશે પોતાનો અભિપ્રાય બદલનારા લોકોની સંખ્યા છે.”