ઓસ્ટ્રેલિયા પ્રવાસ માટે ટીમ ઈન્ડિયાની જાહેરાત, આ ખેલાડીને મળી કેપ્ટનશીપ

ભારત A મહિલા ક્રિકેટ ટીમ ઓસ્ટ્રેલિયાના પ્રવાસે જઈ રહી છે. આ પ્રવાસમાં બંને ટીમો વચ્ચે ત્રણ વનડે, ત્રણ ટી-20 અને એક ટેસ્ટ મેચ રમાશે. આ પ્રવાસ માટેની ટીમની પણ જાહેરાત કરવામાં આવી છે. આ પ્રવાસ પર ભારત-A મહિલા ક્રિકેટ ટીમની કમાન ઓફ સ્પિનર ​​મિન્નુ મણીને સોંપવામાં આવી છે. આ સિવાય શ્વેતા સેહરાવતને ટીમની વાઇસ કેપ્ટન બનાવવામાં આવી છે.

ઓસ્ટ્રેલિયા પ્રવાસ માટે શબનમ શકીલને પણ ટીમમાં સામેલ કરવામાં આવી છે, જો કે, શબનમ હજુ સંપૂર્ણ રીતે ફિટ નથી, તેથી જો તે આ પ્રવાસ સુધીમાં ફિટ થઈ જશે તો તે રમતી જોવા મળશે. આ પ્રવાસમાં પ્રિયા પુનિયાને પણ તક મળી છે. આ સિવાય ભારતીય સિનિયર ટીમમાંથી બહાર રહેલી મેઘના સિંહને પણ ટીમમાં સામેલ કરવામાં આવી છે. આ પ્રવાસમાં શાનદાર પ્રદર્શન કરીને, મેઘના વરિષ્ઠ ટીમ માટે પોતાનો દાવો રજૂ કરવા માંગશે.

ભારત ‘એ’ વિ ઓસ્ટ્રેલિયા ‘એ’ નું સંપૂર્ણ સમયપત્રક

પ્રથમ T20- 7 ઓગસ્ટ
બીજી T20- 9 ઓગસ્ટ
ત્રીજી T20- 11 ઓગસ્ટ

પ્રથમ ODI – 14 ઓગસ્ટ
બીજી ODI – 16 ઓગસ્ટ
ત્રીજી ODI – 18 ઓગસ્ટ

ટેસ્ટ મેચ- 22 થી 25 ઓગસ્ટ

ઓસ્ટ્રેલિયા પ્રવાસ માટે 18 સભ્યોની ભારત-A મહિલા ક્રિકેટ ટીમ

મિનુ મણિ (કેપ્ટન), શ્વેતા સેહરાવત (વાઈસ-કેપ્ટન), કિરણ નવગીરે, શુભા સતીશ, તેજલ હસબનીસ, પ્રિયા પુનિયા, ઉમા છેત્રી (વિકેટ કીપર), રાઘવી બિષ્ટ, સજના સજીવન, શિપ્રા ગિરી, મન્નત કશ્યપ, તનુજા કંવર, સાયકા ઈશાક , રાઘવી બિષ્ટ , શબનમ શકીલ , સાયલી સતઘરે , એસ યશશ્રીસ પ્રિયા મિશ્રા , મેઘના સિંહ.