સાક્ષી ધોનીએ રેડ ચેરીથી કર્યો મેકઅપ, વીડિયો ઈન્સ્ટાગ્રામ પર વાયરલ થયો

ભારતીય ટીમના પૂર્વ સુકાની મહેન્દ્ર સિંહ ધોની  હાલમાં જ ઈંગ્લેન્ડમાં પોતાનો જન્મદિવસ ઉજવી રહ્યો હતો. મહેન્દ્ર સિંહ ધોની ભલે સોશિયલ મીડિયા થી દૂર રહે છે. પરંતુ તેની તસવીરો વાયરલ થતી રહે છે. એમએસ ધોની સિવાય તેની પત્ની સાક્ષી ધોની સોશિયલ મીડિયા પર ખૂબ એક્ટિવ છે. સાક્ષીએ હાલમાં જ ઈન્સ્ટાગ્રામ પર એક વીડિયો પોસ્ટ કર્યો છે. જેમાં તે ફ્રૂટ-મેકઅપ કરી રહી છે.

આ દિવસોમાં સોશિયલ મીડિયા પર ફ્રૂટ-મેકઅપ ચેલેન્જ ચાલી રહી છે. સાક્ષી ધોનીએ પણ તેમાં ભાગ લીધો હતો. તેણે ચેરી સાથે પોતાનો મેકઅપ કર્યો હતો અને તેનો વીડિયો ઇન્સ્ટાગ્રામ પર રીલ મારફતે પોસ્ટ કરી હતી. તમને જણાવી દઇએ કે 24 કલાકની અંદર તેના આ વીડિયોને 10 લાખથી વધુ લોકો જોઈ ચૂક્યા છે.

સાક્ષી ધોની સોશિયલ મીડિયા પર ઘણી વખત આવા ચેલેન્જનો વીડિયો બનાવી ચુકી છે અને પોતાના સોશિયલ મીડિયા એકાઉન્ટ પર શેર કરી રહી છે. તે સોશિયલ મીડિયામાં સતત તેના વીડિયો અને ફોટો પોસ્ટ કરતી રહે છે. સાક્ષી ધોનીની ઇન્સ્ટાગ્રામ પર ખૂબ જ મોટી ફેન ફોલોઇંગ છે અને તેના કુલ 4.8 મિલિયન ફોલોઅર્સ છે.

જો મહેન્દ્ર સિંહ ધોની ની વાત કરીએ તો હાલમાં જ તે ઈંગ્લેન્ડમાં હતો. જ્યા ધોનીએ પોતાનો જન્મદિવસ ઉજવ્યો હતો. આ સાથે જ તે ભારત અને ઈંગ્લેન્ડ વચ્ચેની ODI અને T20 શ્રેણી જોવા સ્ટેડિયમમાં પણ પહોંચ્યો હતો. ઘણા ખેલાડીઓએ એમએસ ધોની સાથે પોતાની તસવીરો શેર કરી છે.

ટી20 સીરીઝ દરમિયાન એમએસ ધોની ટીમ ઈન્ડિયા ના ડ્રેસિંગ રૂમમાં ગયો અને ખેલાડીઓ સાથે વાત કરી અને મંત્ર શેર કર્યો હતો. એમએસ ધોની એ ઘણા સમય પહેલા જ આંતરરાષ્ટ્રીય ક્રિકેટમાંથી નિવૃત્તિ લઈ ચૂક્યો છે અને હાલમાં તે માત્ર ઈન્ડિયન પ્રીમિયર લીગ માં જ રમી રહ્યો છે. ચેન્નાઈ સુપર કિંગ્સ ની કમાન હજુ પણ એમએસ ધોનીના હાથમાં છે.