![](https://www.rakhewaldaily.com/wp-content/uploads/2024/05/ટી20-વર્લ્ડ-કપ-2024-માટે-ભારતીય-હેડ.jpg)
ટી20 વર્લ્ડ કપ 2024 માટે ભારતીય ક્રિકેટ ટીમની નવી જર્સી લોન્ચ
ટી20 વર્લ્ડ કપ 2024 માટે ભારતીય ક્રિકેટ ટીમની નવી જર્સી લોન્ચ કરવામાં આવી છે. ટીમ ઈન્ડિયાની આ જર્સી ધર્મશાલાના પહાડોની વચ્ચે હેલિકોપ્ટર દ્વારા લોન્ચ કરવામાં આવી હતી. ટીમ ઈન્ડિયાની નવી જર્સી આકર્ષક લાગી રહી છે. જર્સીની સ્લીવ્સ કેસરી રંગની છે અને આ સિવાય તેમાં વાદળી રંગ છે. જર્સી લોન્ચ કરવાનો વીડિયો સોશિયલ મીડિયા પર વાયરલ થયો છે. આ વીડિયોમાં રોહિત શર્મા, રવિન્દ્ર જાડેજા, કુલદીપ યાદવ જોવા મળી રહ્યા છે. આ ત્રણેય ખેલાડીઓ હેલિકોપ્ટર દ્વારા જર્સીને આવતા જોઈને આશ્ચર્યચકિત થઈ ગયા છે.
એડિડાસ ટીમ ઈન્ડિયાની જર્સીનું સ્પોન્સર છે. આ જર્મન કંપની વર્ષ 2028 સુધી ટીમ ઈન્ડિયાની જર્સીની સ્પોન્સર રહેશે. એડિડાસે આ માટે 350 કરોડ રૂપિયા ચૂકવ્યા છે. ટીમ ઈન્ડિયાની નવી જર્સી લોન્ચ થઈ ગઈ છે અને તેની સાથે જ રોહિત અને કંપની હવે જીતના નવા સપના સાથે ટી 20 વર્લ્ડ કપ 2024માં ઉતરશે. સ્વાભાવિક રીતે જ ટીમ ઈન્ડિયાનું સપનું 2013 પછી પ્રથમ આઈસીસી ટૂર્નામેન્ટ જીતવાનું છે. આ ટુર્નામેન્ટ માટે પસંદ કરાયેલી ટીમ ઈન્ડિયા ખૂબ જ મજબૂત ટીમ છે. ટીમના 15 ખેલાડીઓની જાહેરાત કરવામાં આવી છે.
ટુર્નામેન્ટ માટે પસંદ કરાયેલી ટીમ: રોહિત શર્મા (કપ્તાન), યશસ્વી જાયસવાલ, વિરાટ કોહલી, સૂર્યકુમાર યાદવ, ઋષભ પંત (વિકેટકીપર), શિવમ દૂબે, હાર્દિક પંડ્યા(ઉપ કપ્તાન), રવિન્દ્ર જાડેજા, અક્ષર પટેલ, કુલદીપ યાદવ, જસપ્રીત બુમરાહ, અર્શદીપ સિંહ, યુઝવેન્દ્ર ચહલ, સંજૂ સૈમસન, મોહમ્મદ સિરાજ
ટ્રાવેલિંગ રિજર્વ: રિંકુ સિંહ, શુભમન ગિલ, ખલીલ અહેમદ અને અવેશ ખાન