ભારતનો ગોલ્ડન મેન નીરજ ચોપરા આવતી કાલે વર્લ્ડ એથ્લેટિક્સ ચેમ્પિયનશિપનાં મેદાને ઉતરશે

ભારતનો સ્ટાર જેવલિન થ્રોઅર નીરજ ચોપરા વર્લ્ડ એથ્લેટિક્સ ચેમ્પિયનશિપમાં ગોલ્ડ જીતવાની અણી પર છે. તે રવિવારે (27 ઓગસ્ટ)ના રોજ ફાઇનલમાં ટકરાશે. નીરજની નજર આ ટુર્નામેન્ટમાં પ્રથમ વખત ગોલ્ડ પર હશે. ઓલિમ્પિક, એશિયન ગેમ્સ, કોમનવેલ્થ ગેમ્સ અને ડાયમંડ લીગમાં ચેમ્પિયન બનેલો આ ખેલાડી માત્ર વર્લ્ડ એથ્લેટિક્સ ચેમ્પિયનશિપમાં ગોલ્ડ જીતી શક્યો નથી. નીરજ રવિવારે પોતાની બેગમાં ગોલ્ડ મૂકવાનો પ્રયત્ન કરશે.

ટોક્યો ઓલિમ્પિક ચેમ્પિયન નીરજ ચોપરાએ શુક્રવારે માત્ર એક જ થ્રોમાં પેરિસ ઓલિમ્પિકની ટિકિટ જ નહીં પરંતુ વર્લ્ડ એથ્લેટિક્સ ચેમ્પિયનશિપની ફાઇનલમાં પણ પ્રવેશ કર્યો. માત્ર નીરજ જ નહીં, વિઝા મોડા મળવાને કારણે છેલ્લી ક્ષણે બુડાપેસ્ટ પહોંચેલા કિશોર જેના અને ડીપી મનુએ પણ ભાલાની ફાઇનલમાં જગ્યા બનાવી હતી. વિશ્વ એથ્લેટિક્સમાં એક જ ઈવેન્ટમાં ત્રણ ભારતીય એકસાથે ફાઇનલમાં પહોંચ્યા હોય તેવું પ્રથમ વખત બન્યું છે. નીરજે તેના પ્રથમ થ્રોમાં 88.77 મીટરની ભાલા ફેંકી હતી. આ તેનું સિઝનનું સર્વશ્રેષ્ઠ પ્રદર્શન છે.

ચાહકો માટે, ફાઈનલનું ભારતમાં કોઈપણ ટીવી ચેનલ પર જીવંત પ્રસારણ કરવામાં આવશે નહીં. જો કે તે નીરજ ચોપરાની મેચ ઓનલાઈન જોઈ શકે છે. ચાહકો આ ઇવેન્ટને Jio સિનેમાની એપ અને વેબસાઇટ પર લાઇવ જોઈ શકે છે. વર્લ્ડ એથ્લેટિક્સ ચેમ્પિયનશીપમાં જેવલિન થ્રો ફાઇનલ ભારતીય સમય અનુસાર રાત્રે 11:45 વાગ્યે શરૂ થશે.