IND vs WI: 2 રન માટેનો તણાવ થશે દૂર, પોર્ટ ઓફ સ્પેનમાં શુભમન ગિલની નક્કી છે સદી

2 રનની કિંમત શુભમન ગિલને પૂછો. તેની કિંમત શું હોય છે. તેનું દુઃખ શું હોય છે, તે શુભમન ગિલ પોતે જાણે છે. હવે ભારતની ટીમ બીજી ટેસ્ટ રમવાના ઈરાદાથી ફરી પોર્ટ ઓફ સ્પેનમાં છે. શુભમન ગિલ પણ ટીમની સાથે છે. એ પણ નક્કી કે ભારતીય પ્લેઈંગ ઈલેવનમાં બીજી ટેસ્ટ રમતા જોવા મળશે. મતલબ કે ટીમ માટે બેટિંગ કરતાં જોવા મળશે. અને, આ શુભમન ગિલ પાસે 2 રનનો તણાવ દૂર કરવાની તક છે અને પોર્ટ ઓફ સ્પેનમાં સદી ફટકારવાની.

હવે, પ્રશ્ન એ છે કે શું તે 2 રનની ટીસ છે? આ ટિસે ક્યારે અને કેવી રીતે ગિલના હૃદયને વીંધ્યું? તો જવાબ જાણવા માટે તમારે ફ્લેશબેકમાં જવું પડશે. બરાબર એક વર્ષ પહેલાં, શુભમન ગિલ આજે જેમ પોર્ટ ઑફ સ્પેનમાં હાજર હતો. ફરક માત્ર એટલો હતો કે ત્યારે બોલનો રંગ સફેદ હતો અને આ વખતે ગિલ લાલ રંગના બોલથી ક્રિકેટ રમશે.

વર્ષ 2022નાં વેસ્ટ ઇન્ડીઝ પ્રવાસ દરમિયાન વનડે સીરીઝની ત્રીજી અને છેલ્લી મેચ હતી. શુભમન ગિલ ઓપન કરવાં ઉતર્યા હતા. તેણે ઓપનિંગ વિકેટ માટે શિખર ધવન સાથે સ્કોર બોર્ડમાં 113 રન બનાવ્યાં હતાં. ધવન 58 રન બનાવીને આઉટ થયો હતો, પરંતું શુભમન ગિલ છેલ્લે સુધી ટકી રહ્યો હતો. વરસાદથી પ્રભાવિત 36 ઓવરની મેચમાં અંત સુધી અણનમ રહ્યા બાદ પણ તે પોતાની સદી પૂરી કરી શક્યો નહોતો.

શુભમન ગીલે ગયાં વર્ષે વેસ્ટ ઇન્ડીઝ સામે રમાયેલી વનડે સીરીઝની છેલ્લી મેચમાં 98 બોલ પર 98 રન બનાવ્યા હતા. મતલબ કે તે 2 રનથી પોતાની સદી પૂરી કરી શક્યાં નહીં. પરંતું કહેવાય છે કે ઉપરવાળો બધાંને બીજી તક આપે છે. આ બે રનની ટિસ દૂર કરવાં માટે કિસ્મતે શુભમન ગિલને એક વાર ફરીથી પોર્ટ ઓફ સ્પેનમાં લાવીને ઊભો કર્યો છે.

તો શુબમન ગિલ આ વખતે પોર્ટ ઓફ સ્પેનમાં પોતાનો અધૂરું કામ પૂરું કરશે? જો કે, ગિલે આંતરરાષ્ટ્રીય ક્રિકેટમાં અત્યાર સુધી 7 સદી ફટકારી છે. પરંતુ શું તે પોર્ટ ઓફ સ્પેનની પીચ પર તેની પ્રથમ સદી ફટકારશે? કદાચ હા. પહેલું કારણ એ છે કે વેસ્ટ ઈન્ડિઝમાં શુભમન ગિલ દ્વારા રમાયેલી છેલ્લી વનડે સીરીઝમાં તે સૌથી વધુ રન બનાવનાર બેટ્સમેન હતો. તેણે વર્ષ 2022માં રમાયેલી વનડે સીરીઝની 3 મેચમાં 102.50ની મજબૂત એવરેજથી 205 રન બનાવ્યા હતા. તે સીરીઝમાં 200 રનનો આંકડો પાર કરનારો તે એકમાત્ર બેટ્સમેન હતો.

શુભમન ગિલ આ વર્ષે લાલ બોલની ક્રિકેટમાં એક વર્ષ પહેલા પોર્ટ ઓફ સ્પેનમાં સફેદ બોલ ક્રિકેટમાં જોવા મળેલા તેના અદ્ભુત ફોર્મનું પુનરાવર્તન કરવા માંગે છે. ભારત અને વેસ્ટ ઈન્ડિઝ વચ્ચે પોર્ટ ઓફ સ્પેનમાં રમાનાર બીજી ટેસ્ટ પણ વિરાટ કોહલીની 500મી આંતરરાષ્ટ્રીય મેચ હશે. અને, ઈતિહાસ સાક્ષી છે કે વિરાટે જ્યારે પણ કોઈ માઈલસ્ટોન મેચ રમી છે, ત્યારે કોઈને કોઈ ભારતીય ખેલાડીએ તેમાં ચોક્કસ રેકોર્ડ બનાવ્યો છે.

વિરાટ કોહલીની 100મી આંતરરાષ્ટ્રીય મેચમાં સચિન તેંડુલકરે તેની 100મી આંતરરાષ્ટ્રીય સદી ફટકારી હતી. તેની 200મી આંતરરાષ્ટ્રીય મેચમાં અંબાતી રાયડુએ તેની પ્રથમ વનડે સદી ફટકારી હતી. વિરાટે 300મી આંતરરાષ્ટ્રીય મેચ રમી ત્યારે ધોની અને ભુવનેશ્વર કુમાર વચ્ચે 8મી વિકેટની રેકોર્ડ ભાગીદારીથી ભારતે મેચ જીતી લીધી હતી. અને કોહલીની 400મી આંતરરાષ્ટ્રીય મેચમાં કુલદીપ યાદવે અનોખો રેકોર્ડ બનાવ્યો હતો. તે વનડેમાં એકથી વધુ હેટ્રિક લેનાર પ્રથમ ભારતીય બન્યો.

હવે વિરાટ કોહલી તેની 500મી આંતરરાષ્ટ્રીય મેચ રમવા જઈ રહ્યો છે. આવી સ્થિતિમાં પોર્ટ ઓફ સ્પેનમાં શુભમન ગિલ પાસેથી સદીની આશા રાખવી ગેરવાજબી નથી. કોઈપણ રીતે, આ વર્ષ તેના માટે આંતરરાષ્ટ્રીય ક્રિકેટમાં સારું રહ્યું છે. આ વર્ષે રમાયેલી 19 આંતરરાષ્ટ્રીય મેચોમાં તેણે 53.52ની એવરેજ અને 5 સદી સાથે 1017 રન બનાવ્યા છે.