વિરાટે મીડિયાને કહ્યું- હું સંપૂર્ણપણે ફિટ છું, મારા ફોર્મ અંગે મારે કઈ સાબિત કરવાની જરૂર નથી

ઈન્ડિયા અને દ.આફ્રિકા વચ્ચે મંગળવારે 3 મેચની ટેસ્ટ સિરીઝની છેલ્લી ટેસ્ટ કેપ ટાઉનમાં રમાવા જઈ રહી છે. આની પહેલા વિરાટ કોહલીએ આજે પ્રેસ કોન્ફરન્સ કરી હતી. આ દરમિયાન તેણે ફિટનેસ, ફોર્મ અને પ્લેઇંગ-11ના વિવિધ સંકેતો પણ આપ્યા છે. તેણે કહ્યું છે કે મારે અત્યારે કોઈને કંઈ સાબિત કરવાની જરૂર નથી. વળી મોહમ્મદ સિરાજ આગામી ટેસ્ટ માટે ફિટ નથી તેથી અમે આ રિસ્ક લઈ શકીએ નહીં. તથા હું સંપૂર્ણપણે ફિટ છું અને આ મેચમાં રમીશ.

વિરાટ કોહલીએ લગભગ 2 વર્ષથી એકપણ સદી મારી નથી. તેથી સોશિયલ મીડિયામાં પણ યૂઝર્સ તેની મજાક ઉડાવી રહ્યા છે. આ અંગે સવાલો સામે આવતા તેણે જવાબ આપ્યો કે આ પહેલીવાર નથી જ્યારે મારી બેટિંગ સામે સવાલો ઊઠી રહ્યા છે. 2014માં ઇંગ્લેન્ડ ટૂરમાં પણ સામે આવ્યા હતા અને ત્યારપછી મેં ઘણી મહત્ત્વપૂર્ણ પાર્ટનરશિપમાં મારું યોગદાન આપ્યું છે. છેલ્લા 1 વર્ષમાં પણ મેં મારુ બેસ્ટ આપ્યું છે. હું એટલું જ કહીશ કે મારે કોઈને કઈ સાબિત કરવાની જરૂર નથી.