હુસેને 3 છગ્ગા અને 2 ચોગ્ગા માર્યા; પરંતુ ટીમ 1 રનથી મેચ હારી ગઈ

વેસ્ટ ઈન્ડિઝ અને ઇંગ્લેન્ડ વચ્ચે 5 મેચની T20 સિરીઝની બીજી મેચ રવિવારે રમાઈ હતી. જેમાં ઇંગ્લેન્ડની ટીમે 1 રનથી જીત દાખવી હતી. પરંતુ આ દરમિયાન છેલ્લી ઓવરમાં વેસ્ટ ઈન્ડિઝના ખેલાડી અકીલની તોફાની બેટિંગે ક્રિકેટ ફેન્સના દિલ જીતી લીધા છે. ઉલ્લેખનીય છે કે વેસ્ટ ઈન્ડિઝે પહેલી મેચમાં ઇંગ્લેન્ડને 9 વિકેટથી હરાવ્યા પછી આ મેચ હારી જતા સિરીઝ હાલ 1-1થી બરાબરી પર છે.

વેસ્ટઈન્ડિઝને 6 બોલમાં 30 રનની જરૂર હતી, તેવામાં ક્રીઝ પર અકીલ હુસેન હતો જ્યારે તેની સાથે રોમારિયો શેફર્ડ નોન સ્ટ્રાઈકર એન્ડ પર હતો. આ દરમિયાન ઇંગ્લેન્ડના કેપ્ટન ઓઈન મોર્ગને છેલ્લી ઓવર કરવા માટે ફાસ્ટ બોલર સાકિબ મહેમૂદની પસંદગી કરી હતી. આ દરમિયાન પહેલો બોલ વાઈડ અને પછીના બોલ પર એકપણ રન ન લેવો વિંડિઝને મોંઘો પડ્યો હતો.