By ગુજરાત વિધાનસભાનું સત્ર ચાલી રહ્યું હોવા છતાં, વિધાનસભાના અધ્યક્ષ અને થરાદના ધારાસભ્ય શંકરભાઈ ચૌધરીએ એક સાચા લોકસેવક તરીકેની ફરજ નિભાવી છે.
તાજેતરમાં થરાદ પંથકમાં ભારે વરસાદ અને પૂરની પરિસ્થિતિને કારણે અસરગ્રસ્ત વિસ્તારોની તેમણે મુલાકાત લીધી. શંકરભાઈ ચૌધરીએ પૂરગ્રસ્ત વિસ્તારોમાં જઈને લોકો સાથે સીધો સંવાદ કર્યો અને તેમની મુશ્કેલીઓ જાણી. તેમણે અસરગ્રસ્તો માટે ભોજન, પીવાનું પાણી અને તાત્કાલિક તબીબી સેવાઓ સહિતની આવશ્યક વ્યવસ્થાઓનું સ્થળ પર નિરીક્ષણ કર્યું. આ મુલાકાત દરમિયાન, તેમણે વહીવટી તંત્ર દ્વારા ચાલી રહેલી રાહત કામગીરીની સમીક્ષા કરી અને તેને વધુ ઝડપી બનાવવા માટે જરૂરી સૂચનો પણ આપ્યા.
વહીવટી તંત્ર દ્વારા યુદ્ધના ધોરણે રાહત કામગીરી હાથ ધરવામાં આવી રહી છે. લોકોને સલામત સ્થળે ખસેડવા, ફૂડ પેકેટ પહોંચાડવા અને તબીબી સહાય પૂરી પાડવા જેવા કાર્યો સતત ચાલી રહ્યા છે. વિધાનસભાના અધ્યક્ષ હોવા છતાં, શંકરભાઈ ચૌધરીએ પોતાના મત વિસ્તારના લોકોની ચિંતા કરી અને તેમની પડખે ઊભા રહીને એક ઉત્તમ ઉદાહરણ પૂરું પાડ્યું છે. તેમની આ મુલાકાતથી સ્થાનિક લોકોમાં રાહત અને આશ્વાસનનો ભાવ જોવા મળ્યો હતો.
