By તમિલનાડુમાં એક હૃદયદ્રાવક અકસ્માત થયો છે. મંગળવારે રાજ્યના કુડ્ડલોર જિલ્લામાં એક રેલ્વે ક્રોસિંગ પર બાળકોને લઈ જતી એક સ્કૂલ વાન ચાલતી પેસેન્જર ટ્રેન સાથે અથડાઈ હતી, જેમાં બે વિદ્યાર્થીઓના મોત થયા હતા. ઓછામાં ઓછા છ બાળકો ગંભીર રીતે ઘાયલ થયા હતા. આ દુ:ખદ ટક્કર કુડ્ડલોર અને અલાપ્પક્કમ વચ્ચે માનવ સંચાલિત રેલ્વે ક્રોસિંગ પર સવારે લગભગ 7:45 વાગ્યે થઈ હતી, જેનાથી સલામતીના નિયમો અને માનવીય ભૂલ અંગે ગંભીર પ્રશ્નો ઉભા થયા છે.
આ અકસ્માતમાં ગામના બે બાળકોના મોત થયા છે. અન્ય બે બાળકો હોસ્પિટલમાં સારવાર હેઠળ છે. ઇમરજન્સી સેવાઓએ ઘાયલ બાળકોને નજીકની હોસ્પિટલમાં ખસેડ્યા. પ્રત્યક્ષદર્શીઓએ જણાવ્યું હતું કે ટ્રેન આવી ત્યારે ફાટક ખુલ્લો હતો, જોકે તે સમયે ક્રોસિંગ માટે જવાબદાર રેલ્વે કર્મચારીઓ હાજર હતા કે નહીં તે સ્પષ્ટ નથી. ઘટનાની તપાસ કરવામાં આવી રહી છે.
કુડ્ડલોરના એસપી એસપી જયકુમારે જણાવ્યું હતું કે, “બે વિદ્યાર્થીઓના મોત થયા છે, બે વિદ્યાર્થીઓ અને બસ ડ્રાઈવર ઘાયલ થયા છે. રેલ્વે પોલીસ, રેલ્વે અધિકારીઓ અને રાજ્ય પોલીસ વધુ તપાસ કરી રહી છે.” અકસ્માત બાદ સેમ્બંકુપ્પમ રેલ્વે ક્રોસિંગ પર સમારકામનું કામ ચાલી રહ્યું છે.
