By પાલનપુરના કાણોદર ખાતે આવેલી સરકારી પ્રાથમિક શાળા નંબર 2 માં ગામના દાતાઓ,વાહ સંસ્થા અને ડૉ. વિક્રમ સારાભાઈ કોમ્યુનિટીના સાયન્સ સેન્ટર અમદાવાદના સંયુક્ત ઉપક્રમે અદ્યતન સાધનોથી સજ્જ નવનિર્મિત સમીમ હસન સાયન્સ લેબ બનાવવામાં આવી છે. જેમાં માદરે વતન પહોંચેલા ડીસીપી સફિન હસનના અધ્યક્ષસ્થાને અન્ય મહાનુભાવોની ઉપસ્થિતિમાં સાયન્સ લેબનો લોકાર્પણ કાર્યક્રમ યોજાયો હતો. શાળા પટાંગણ ખાતે યોજાયેલ કાર્યક્રમ પ્રસંગે મહેમાનોના હસ્તે દીપ પ્રાગટય કર્યા બાદ મહેમાનોનું શાળા પરિવાર દ્વારા સન્માન કરવામાં આવ્યું હતું. આ પ્રસંગે મુખ્ય મહેમાન સફિન હસને જણાવ્યું હતું કે જે શાળામાં પોતે અભ્યાસ કર્યો છે. ઓર્ગેનાઇઝેશને સમગ્ર ગુજરાતમાં અપવાદ રૂપે કાણોદર ગામમાં પ્રાથમિક શાળાની અંદર શરૂઆત કરી છે. જોગાનુજોગ આજ શાળામાં અભ્યાસ કર્યો છે. એજ શાળામાં ઉપસ્થિત રહીને કાર્યક્રમને માણવાનો અને જોવાનો મને અવસર મળ્યો છે. આ સાયન્સ લેબથી બાળકોને ભવિષ્યમાં ફાયદો થશે.ગામના બાળકો આનો લાભ લઇ ભવિષ્યમાં ગામનું નામ રોશન કરે એવી ઈચ્છા વ્યક્ત કરી હતી.
