By મુંબઈ: બોલિવૂડ સુપરસ્ટાર સલમાન ખાનની આગામી ફિલ્મ ‘માતૃભૂમિ’ ફરી એકવાર ચર્ચામાં આવી છે. અગાઉ ફિલ્મના નામમાં ફેરફાર કર્યા બાદ હવે તેની રિલીઝ ડેટ પાછી ઠેલવામાં આવી હોવાના અહેવાલો મળી રહ્યા છે. ઇન્ડસ્ટ્રીના સૂત્રોના જણાવ્યા અનુસાર, ફિલ્મના કેટલાક અત્યંત મહત્વના દ્રશ્યોનું શૂટિંગ હજુ બાકી છે, જેના કારણે નિર્માતાઓએ આ નિર્ણય લીધો છે.ફિલ્મનું શૂટિંગ જે ગતિએ પૂર્ણ થવું જોઈતું હતું તેમાં કેટલાક ટેકનિકલ કારણો અને શિડ્યુલિંગના પ્રશ્નો નડ્યા હોવાનું કહેવાય છે. ‘માતૃભૂમિ’ સલમાન ખાનના મહત્વાકાંક્ષી પ્રોજેક્ટ્સમાંનો એક છે, તેથી મેકર્સ ક્વોલિટી સાથે કોઈ બાંધછોડ કરવા માંગતા નથી. બાકી રહેલા સીન્સનું શૂટિંગ પૂર્ણ થયા બાદ જ નવી રિલીઝ ડેટની સત્તાવાર જાહેરાત કરવામાં આવશે. આ સમાચારથી સલમાનના ચાહકોમાં થોડી નિરાશા જોવા મળી રહી છે, પરંતુ ફિલ્મ વધુ સારી બનીને આવશે તેવી અપેક્ષાઓ પણ છે.
