![](https://www.rakhewaldaily.com/wp-content/uploads/2022/05/rakhewal-1-281-6.jpg)
કન્ટેનરે એક્ટિવાને ટક્કર મારતાં મહિલાનું માથું ટાયરમાં આવતાં મોત
હિંમતનગર તરફથી અમદાવાદ તરફ જઇ રહેલ કન્ટેનરના ચાલકે મજરા ત્રણ રસ્તા નજીક એક્ટિવાને ટક્કર મારતાં દંપતી રોડ પર પટકાતાં પત્નીનું માથું કન્ટેનરના પાછળના ટાયરમાં આવી જતાં ઘટનાસ્થળે જ કમકમાટી ભર્યું મોત નિપજ્યું હતું. ઘટનાને પગલે અરેરાટી વ્યાપી જવા પામી હતી.
ચકચારી ઘટનાની વિગત એવી છે કે પ્રાંતિજનું ભાવસાર દંપતી એક્ટિવા નં. જી.જે-9-એ.પી-7881 લઇને શુક્રવારે સવારે અમદાવાદ તરફ જવા નીકળ્યું હતું અને મજરા ત્રણ રસ્તા નજીક ઓવર બ્રિજના છેડે પહોંચતા પાછળ હિંમતનગર તરફથી આવી રહેલ કન્ટેનર નં. એમ.એચ-12-એલ.ટી-7620 ના ચાલકે એક્ટિવાને ટક્કર મારતાં ભરતભાઇ ભાવસાર અને તેમના પત્ની ચેતનાબેન ભાવસાર રોડ પર પટકાયા હતા અને માથું કન્ટેનરના પાછળના ટાયર નીચે આવી જતાં ઘટનાસ્થળે જ કમકમાટી ભર્યું મોત નિપજ્યું હતું.