સાબરકાંઠા જિલ્લાના કાનપુર ખાતે કારમાંથી 2.34 લાખના વિદેશી દારૂ સાથે બે ઝડપાયા

સાબરકાંઠા જિલ્લાના ઇડર તાલુકાના કાનપુર અને ગોરલ વચ્ચેથી SMCએ પીછો કરી કારમાંથી રૂ 2.34 લાખના વિદેશી દારૂ સાથે બેને ઝડપી લીધા છે. ઇડર પોલીસ સ્ટેશનમાં ઝડપાયેલા બે અને ફરાર ચાર સહિત 6 સામે 9.72 લાખનો મુદ્દામાલ કબ્જે લઈને ગુનો નોંધાવ્યો છે.

ઇડરના કાનપુરથી ગોરલ વચ્ચે SMC પીછો કરી રાજસ્થાનથી બરોડા જતી કારને રોકી તેમાંથી તપાસ કરતાં 1212 વિદેશી દારૂની રૂ 2,34,168 મળી આવી હતી. જેને લઈને કારચાલક અને હેલ્પરને ઝડપી લઈને 7 લાખની કાર, બે મોબાઈલ રૂ 17,500 અને રોકડ રૂ 21,300 સાથે કુલ રૂ 9,72,168નો મુદ્દામાલ કબ્જે લઈને ઇડર પોલીસ સ્ટેશનમાં 6 સામે ગુનો નોંધાવ્યો હતો.

ઝડપાયેલા આરોપી 1.મનોહર વિસરામ સરન-ચાલક, રાજુનગર ખાદીન, તા.રામસર, જી.બાડમેર,રાજસ્થાન 2.નરપત સુતારામ સરન-હેલ્પર, કરનાભઉનકા, તા.સિંધારી, જિ.બાડમેર, રાજસ્થાન

ફરાર આરોપી 1.સલીમભાઈ-દારૂનો જથ્થો મોકલનાર અને લાઈન ચલાવનાર 2.અજાણ્યો ઈસમ-દારૂનો જથ્થો કારમાં ભરીને આપી જનાર સલીમભાઈનો માણસ 3.બરોડા દારૂનો જથ્થો મંગાવનાર 4.ક્રેટા કારનો માલિક