સાબરકાંઠા જિલ્લામાં વિદ્યાર્થીઓએ વિજ્ઞાન પ્રવાહની પ્રેક્ટીકલ પરીક્ષા આપી

સાબરકાંઠા જિલ્લામાં 10 કેન્દ્રો પર ધોરણ 12 વિજ્ઞાન પ્રવાહના વિદ્યાર્થીઓની બોર્ડની પ્રેક્ટીકલ પરીક્ષાના સાતમા દિવસે 689 વિદ્યાર્થીઓએ પરીક્ષા આપી હતી અને 5 વિદ્યાર્થીઓ ગેરહાજર રહ્યા હતા.

હિંમતનગર, ઇડર, વડાલી, ખેડબ્રહ્મા, તલોદ અને પ્રાંતિજમાં 10 કેન્દ્રો પર ધો 12 વિજ્ઞાન પ્રવાહની પ્રેક્ટીકલ પરીક્ષા ગુરુવારે સવારે 10થી 1 અને બપોરે 2થી 5 એમ બે સેશન દરમિયાન યોજાઈ હતી. આ પ્રેક્ટીકલ પરીક્ષામાં 694 વિદ્યાર્થીઓ પૈકી 689 વિદ્યાર્થીઓએ પરીક્ષા આપી હતી. જ્યારે પાંચ વિદ્યાર્થીઓ ગેરહાજર રહ્યા હતા. જેમાં રસાયણ વિજ્ઞાન વિષયમાં 254 વિદ્યાર્થીઓમાંથી 253 વિદ્યાર્થીઓએ પરીક્ષા આપી હતી. જ્યારે 1 વિદ્યાર્થી ગેરહાજર રહ્યો હતો. ભૌતિક વિજ્ઞાન વિષયમાં 280 વિદ્યાર્થીઓએ પરીક્ષા આપી હતી. જીવવિજ્ઞાન વિષયમાં 160 વિદ્યાર્થીઓમાંથી 156 વિદ્યાર્થીઓએ પરીક્ષા આપી 4 વિદ્યાર્થીઓ ગેરહાજર રહ્યા હતા.