![](https://www.rakhewaldaily.com/wp-content/uploads/2022/06/rakhewal-1-281-2.jpg)
દૂધનો વાર્ષિક ભાવફેર 19 % પ્રમાણે ચૂકવવા કિસાનસભાનું આવેદનપત્ર
કિસાન સભાના મોતીલાલ પરમાર કપિલભાઇ પટેલ વગેરે એ તા.20-06-22 ના રોજ કલેક્ટરને ઉદ્દેશીને આપેલ આવેદનપત્રમાં માંગ કરી હતી કે સાબરડેરીએ 19 ટકા ભાવફેરની જાહેરાત કર્યા બાદ બિન સભાસદ મંડળીઓના અનામતના નામે અને સભાસદ મંડળીઓના શેર ભંડોળના નામે 2 ટકા જેવી કપાત કરી છે.
પશુઓના ખાણખાણની કિંમતો ઊંચી જતી રહેતા નફો સિમિત થઇ ગયો છે અને દૂધ ઉત્પાદકોની હાલાકી વધી છે જેથી સાબરડેરીએ જાહેર કર્યા મુજબ જ 19 ટકા ભાવફેર ચૂકવવામાં આવે તે જરૂરી છે. નોંધનીય છે કે પાછલા વર્ષોની સરખામણીએ ડેરીએ સાતેક ટકા વધુ ભાવફેર ચૂકવ્યો છે જેમાં મંડળીનો નફો ઉમેરી દૂધ ઉત્પાદકોના ખાતામાં નાણા જમા થયા છે જેની સરેરાશ 25 ટકાની આસપાસ થવા જાય છે.