બટલરની કેપ્ટનશીપ પર પ્રશ્નો; શું બટલર કેપ્ટનશીપ છોડશે?

ચેમ્પિયન્સ ટ્રોફી 2025ની 8મી મેચ 26 ફેબ્રુઆરીના રોજ લાહોરના ગદ્દાફી સ્ટેડિયમ ખાતે અફઘાનિસ્તાન અને ઇંગ્લેન્ડ વચ્ચે રમાઈ હતી. આ મેચમાં ઇંગ્લેન્ડને 8 રનથી શરમજનક હારનો સામનો કરવો પડ્યો હતો. આ હાર બાદ ઇંગ્લેન્ડ ક્રિકેટ જગતમાં શરમનો સામનો કરી રહ્યું છે, અને જોસ બટલરની કેપ્ટનશીપ પર પણ પ્રશ્નો ઉભા થઈ રહ્યા છે. દરમિયાન, મેચ પછી, જ્યારે ઇંગ્લિશ કેપ્ટન જોસ બટલર પ્રેસ કોન્ફરન્સમાં આવ્યા, ત્યારે તેમને તેમની કેપ્ટનશીપના ભવિષ્ય વિશે પ્રશ્નો પૂછવામાં આવ્યા. તેમણે આ પ્રશ્નનો સીધો જવાબ આપ્યો નહીં

અફઘાનિસ્તાન સામેની મેચ હાર્યા બાદ પ્રેસ કોન્ફરન્સમાં જોસ બટલરે સ્વીકાર્યું કે તેણે પોતાના વિકલ્પો પર પુનર્વિચાર કરવો પડશે. બટલરે કહ્યું કે તેમને લાગે છે કે પરિણામ તેમની આશા મુજબ નહોતું, જ્યાં તેમને હોવું જોઈતું હતું અને તેમણે વ્યક્તિગત રીતે બધી શક્યતાઓ પર વિચાર કરવાની જરૂર છે. બટલર માને છે કે તેણે ઈંગ્લેન્ડને તે સ્તર પર પાછું લાવવું પડશે જ્યાં તેની ટીમ સફેદ બોલના ક્રિકેટમાં હોવી જોઈએ. બટલરને હવે વ્યક્તિગત રીતે શોધવાનું છે કે તે ઇંગ્લેન્ડની આ ટીમમાં સમસ્યાનો ભાગ છે કે ઉકેલનો ભાગ છે.

ઇંગ્લેન્ડે 2023 ODI વર્લ્ડ કપ, 2024 T20 વર્લ્ડ કપ અને હવે ICC ચેમ્પિયન્સ ટ્રોફી રમી, પરંતુ ત્રણેય ટુર્નામેન્ટમાં તેની ટીમ સેમિફાઇનલમાં પણ પહોંચી શકી નહીં. ઇંગ્લેન્ડની ટીમ 2023ના ODI વર્લ્ડ કપમાં સાતમા સ્થાને રહી હતી, જ્યારે 2024ના T20 વર્લ્ડ કપમાં ટીમ ટોપ 4માં સ્થાન મેળવવામાં સફળ રહી હતી. દરમિયાન, અફઘાનિસ્તાન સામેની હાર બાદ, બટલરે સ્પષ્ટ કર્યું છે કે તે કેપ્ટનશીપ છોડવા અંગે હજુ કોઈ નિર્ણય લઈ રહ્યો નથી.

બટલરે પોતાની કેપ્ટનશીપ વિશે વધુમાં કહ્યું કે તે અત્યારે અહીં કોઈ ભાવનાત્મક નિર્ણય લેવાનો નથી. જ્યારે પણ તે પોતાની કેપ્ટનશીપ અંગે કોઈ નિર્ણય લેશે, ત્યારે તે પહેલા મીડિયા સાથે વાત કરશે. ટીમના હિતમાં આ સમયે શું સાચું છે અને શું ખોટું છે તે સમજવા માટે તેને હજુ થોડો સમય જોઈએ છે. તેમણે સ્વીકાર્યું કે ટોચ પરના લોકો જવાબદાર છે અને ભવિષ્યમાં તેઓ જે પણ નિર્ણય લેશે, તે ટીમના હિતને ધ્યાનમાં રાખીને લેશે.