By ભારતીય સેનાએ પહેલગામમાં થયેલા ક્રૂર આતંકવાદીનો બદલો લીધો છે. ભારતીય સૈન્ય દળોએ પાકિસ્તાન અને પાકિસ્તાન અધિકૃત જમ્મુ અને કાશ્મીરમાં આતંકવાદી છાવણીઓ પર મિસાઇલ હુમલા કરીને 100 થી વધુ આતંકવાદીઓને ઠાર કર્યા છે. ભારતની કાર્યવાહીમાં 9 આતંકવાદી ઠેકાણાઓનો નાશ કરવામાં આવ્યો છે. ભારતીય સશસ્ત્ર દળોના આ ઓપરેશન પર વડાપ્રધાન મોદી પોતે નજર રાખી રહ્યા હતા. બુધવારે પીએમ મોદીએ કેબિનેટ સાથે બેઠક પણ યોજી હતી. ચાલો જાણીએ કે પીએમ મોદીએ મીટિંગમાં શું કહ્યું હતું.
સૂત્રોના જણાવ્યા અનુસાર, કેબિનેટ બેઠક દરમિયાન પીએમ મોદીએ તેમના કેબિનેટ સાથીદારોને પાકિસ્તાન વિરુદ્ધ શરૂ કરાયેલા ઓપરેશન વિશે માહિતી આપી હતી. આ બેઠકમાં ગૃહમંત્રી અમિત શાહ, સંરક્ષણ મંત્રી રાજનાથ સિંહ, કેન્દ્રીય મંત્રીઓ નીતિન ગડકરી, જેપી નડ્ડા, શિવરાજ સિંહ ચૌહાણ સહિત ઘણા કેન્દ્રીય મંત્રીઓ હાજર રહ્યા હતા. તમામ કેબિનેટ મંત્રીઓએ વડા પ્રધાન નરેન્દ્ર મોદીના નેતૃત્વમાં વિશ્વાસ વ્યક્ત કર્યો અને કહ્યું કે આખો દેશ તેમની સાથે છે. ભારતીય સેનાએ તૈયારી મુજબ અને કોઈપણ ભૂલ વિના કાર્યવાહી હાથ ધરી છે. વડા પ્રધાન નરેન્દ્ર મોદીએ સેનાની ખૂબ પ્રશંસા કરી છે.
મોટા સમાચાર એ પણ બહાર આવ્યા છે કે વડા પ્રધાન નરેન્દ્ર મોદી ભારતના રાષ્ટ્રપતિ દ્રૌપદી મુર્મુને ઓપરેશન સિંદૂર વિશે માહિતી આપશે. આ સાથે, કેન્દ્ર સરકારે ગુરુવારે સવારે 11 વાગ્યે સર્વપક્ષીય બેઠક બોલાવી છે. આ બેઠકની અધ્યક્ષતા સંરક્ષણ પ્રધાન રાજનાથ સિંહ કરશે અને કેન્દ્રીય મંત્રી કિરેન રિજિજુ પણ તેમની સાથે રહેશે.
