![](https://www.rakhewaldaily.com/wp-content/uploads/2020/08/e21ff629-4ed6-4a7b-892b-c2227e70a472.jpg)
રાધનપુરમાં રેફરલ હોસ્પિટલમાં વરસાદી પાણી ભરાયાં
રાધનપુર : રાધનપુરમાં રેફરલ હોસ્પિટલ જે તે સમયે ચાર કરોડ રૂપિયાના ખર્ચે બની હતી,પરંતુ ભવિષ્યનું આયોજન કર્યા વિના જ બાંધકામ કરાયું હોવાથી આજે રેફરલના સ્ટાફ અને દર્દીઓને ભારે હાલાકીનો સામનો કરવો પડી રહ્યો છે.જે તે સમયે રોડ લેવલ કરતાં ઊંચું લેવલ કરીને હોસ્પિટલ બની હોત તો આજે આ હાલત ના હોત.આજે સામાન્ય વરસાદ પડતાં જ રેફરલના મુખ્ય પ્રવેશદ્વાર ઉપર જ પાણી ભરાઈ રહેતાં લોકોને ભારે હાલાકીનો સામનો કરવો પડે છે.દર્દીઓને નાછૂટકે રિક્ષામાં લાવવા પડે તેવી પરિસ્થિતિનું નિર્માણ થાય છે.