સિદ્ધપુરમાં ખાનગી લક્ઝરી બસ પલટી મારતા 20થી વધુ લોકો ઈજાગ્રસ્ત

સિદ્ધપુર હાઇવે ઉપર વાપી થી રાજસ્થાનના બલોત્રા તરફ જઈ રહેલ એક ખાનગી લક્ઝરી બસ માં 40 જેટલા મુસાફરો સવાર હતા. વહેલી સવાર કોઈ કારણોસર ડ્રાઇવર દ્વારા સ્ટેરીંગ ઉપરનો કાબુ ગુમાવતા લક્ઝરી બસ પલટી મારી જવા પામી હતી. સવારે ચાર વાગ્યે આસપાસ આ બનાવ બન્યો હતો જેમાં 20 થી વધુ લોકોને ઈજાઓ પહોંચી હતી. તે પૈકી ચાર લોકોને વધુ ગંભીરી જાઓ પહોંચી હોય પાટણ ધારપુર ખાતે સારવાર માટે રિફર કરવામાં આવ્યા હતા. અન્ય તમામ ઇજાગસ્તોને સિદ્ધપુર સિવિલ હોસ્પિટલ ખાતે 108 મારફતે સારવાર અર્થે ખસેડવામાં આવ્યા હતા. ઘટનાના પગલે સિદ્ધપુરના તાવડીયા ચાર રસ્તા પાસે વાહનોની અવરજવર થોડા સમય માટે ખોટવાતા ટ્રાફિક જામ થવા પામ્યો હતો. પોલીસ સ્થળ પર પહોંચતા ટ્રાફિક વાહન વ્યવહાર શરૂ કરાવ્યો હતો.