પાટણ દોશીવટ બજારમાં આવેલા ટ્રેડર્સ નામની દુકાનમાં અગમ્ય કારણોસર આગ લાગી

પાલિકાના ફાઈર વિભાગે ઘટના સ્થળે પહોંચી પાણી નો મારો ચલાવી આગને કાબુમાં લીધી: પાટણ શહેરના દોશીવટ બજાર ખાતે ભગવતી ટ્રેડર્સ નામની બીડી અને તમાકુના વેપારીની દુકાનના ત્રીજા માળે મોડી સાંજે અગમ્ય કારણસર આગ લાગતા અફડા તફડી મચી જવા પામી હતી. જોકે બનાવની જાણ પાલિકાના ફાયર વિભાગ ને થતાં તેઓએ તાત્કાલિક ધટના સ્થળે દોડી આવી પાણીનો મારો ચલાવી આગ પર કાબૂ મેળવતા લોકોએ હાશકારો અનુભવ્યો હતો.

આ આગની ઘટનામાં વેપારીને મોટું નુકશાન થયું હોવાનું જાણવા મળ્યું છે. પાટણ શહેરના દોશીવટ બજાર વિસ્તારની દુકાનમાં આગ લાગતા કાળા ડીબાંગ ધુમાડા નીકળતા અવરજવર કરતા લોકોમાં ભયનો માહોલ છવાયો હતો.જોકે આગ લાગવાનું કારણ જાણી શકાયું નથી.