સાતલપુરના દાત્રાણા ગામે મોડી રાત્રે ખેડૂતના વાડામાં આગ ભભૂકી

પાટણ જિલ્લાના રાધનપુર સાંતલપુર પંથકના વિસ્તારમાં આગ લાગવાની ઘટનાઓ અવારનવાર પ્રકાશમાં આવી રહી છે. ત્યારે આવી જ આગની ઘટના સોમવારની મોડી રાત્રે સાતલપુરના દાત્રાણા ગામે બની હોવાનું જાણવા મળ્યું છે. સાતલપુર તાલુકાના દાત્રાણા ગામે સોમવારની મોડી રાત્રે કોઈ અગમ્ય કારણોસર ખેડૂત ના વાડામાં ભીષણ આગ લાગતાં ગામમાં અફરા-તફરી નો માહોલ સર્જાયો હતો.આગ લાગતાં વાડામાં રાખેલ ઘાસચારો, ગાડું તેમજ અન્ય માલ સામાન બળી ને ખાખ થતાં ખેડૂત ને મોટું નુકશાન થયું છે. તો આગની ઘટના પગલે ફાયબ્રિગેડની ટીમે ધટના સ્થળે પહોંચી પાણીનો મારો ચલાવી આગ પર મેળવ્યો હતો. આ આગ લાગવાનું કારણ જાણી શકાયું નથી તો આગનાં કારણે ખેડૂતને ભારે નુકશાન થયું હોવાનું જાણવા મળ્યું છે.