![](https://www.rakhewaldaily.com/wp-content/uploads/2022/09/Rakhewal-50.jpg)
પાટણમાં 72 વર્ષીય વૃદ્ધને રખડતા ઢોરે અડફેટે લીધા
પાટણ શહેરમાં રખડતા ઢોરનો ત્રાસ સતત વધી રહ્યો છે. ત્યારે એક વૃદ્ધને રખડતી ગાયે અડફેટે લીધો હતો. જેથી તેને લોહીલુહાણ હાલતમાં સારવાર માટે હોસ્પિટલમાં ખસેડવામાં આવ્યો છે. જ્યા તેને કપાળના ભાગે ત્રણ ટાંકા આવ્યાં છે. ઘટનાની જાણ તેના પરિવારજનોને થતા પડ્યા હતા અને પરિવારજનોમાં ગભરાટ સાથે દોડધામ મચી ગઇ હતી.
આ અંગે મળતી માહિતી મુજબ પાટણ શહેરના ચાચરિયાના મોટા પાડામાં રહેતા વિનોદભાઈ બાબુભાઈ મોદી નામના 72 વર્ષના નાગરિક તેમના રોજિંદા નિયમ મુજબ મોડી સાંજે હિંગળાચાચર ખાતે આવ્યાં હતા અને પાટિયા પર તેમના અન્ય મિત્રો સાથે બેસી સમય થતાં ઘરે જવા નીકળ્યા હતા. તેઓ પાટીયા પરથી ઉભા થઈને નીકળતા જ અહીં નાણાવટી સાબુની દુકાન આગળના ભાગે ઊભેલી ગાયો પૈકી એક ગાયે પાછળથી તેમને ભેટું મારી નીચે પાડી દીધા હતા. જેમાં તેમને કપાળના ભાગે વધુ ઇજાઓ થતા લોહીલુહાણ થઈ ગયા હતા.