By પાટણ એસઓજી પોલીસે વારાહી વિસ્તારમાં પેટ્રોલિંગ દરમિયાન એક શખ્સને ચોરીના મોબાઇલ સાથે ઝડપી પાડ્યો છે. પોલીસને મળેલી બાતમીના આધારે વારાહી-પરસુંદ રોડ પરથી રાણીસરના રાયબ રમઝાનભાઇ મૈયાભાઈ સિંધીને પકડવામાં આવ્યો હતો. પોસઇ ડી.કે.ચૌધરી અને તેમની ટીમે શંકાસ્પદ વ્યક્તિની અંગઝડતી લેતા તેના પેન્ટના ખિસ્સામાંથી વિવિધ કંપનીના 8 એન્ડ્રોઇડ મોબાઇલ ફોન મળી આવ્યા હતા. આરોપી પાસે મોબાઇલના બિલ માંગતા તે યોગ્ય જવાબ આપી શક્યો ન હતો. પોલીસની પ્રાથમિક તપાસમાં આ મોબાઇલ ફોન ચોરી કે છળકપટથી મેળવ્યા હોવાનું સામે આવ્યું છે. પોલીસે કુલ 69 હજારની કિંમતના મોબાઇલ કલમ 106 મુજબ કબજે કર્યા છે. આરોપીને વધુ તપાસ માટે વારાહી પોલીસને સોંપવામાં આવ્યો છે.
